കേരളത്തിൽ ലവ് ജിഹാദ് ഉണ്ടെന്ന് ആദ്യം പറഞ്ഞത് എസ്എൻഡിപിയെന്ന് തുഷാ‍ര്‍ വെള്ളാപ്പള്ളി

ന്യൂഡൽഹി: കേരളത്തിൽ ലവ് ജിഹാദ് ഉണ്ടെന്ന് ആദ്യം പറഞ്ഞത് യോഗമാണെന്ന് . സത്യം പറയുന്നവരെ കുറ്റപ്പെടുത്തിയിട്ട് കാര്യമില്ലെന്നും താഷാർ പറഞ്ഞു. ബിജെപി ദേശീയ അധ്യക്ഷൻ ജെ പി നദ്ദയുമായി കൂടിക്കാഴ്ച നടത്തിയ ശേഷമാണ് തുഷാറിന്റെ പ്രതികരണം.

ബിഡിജെഎസിന് ലഭിക്കേണ്ട ബോർഡ് കോർപ്പറേഷൻ സ്ഥാനങ്ങളെക്കുറിച്ച് ജെപി നദ്ദയുമായി ചർച്ച ചെയ്തു. സ്ഥാനങ്ങളെക്കുറിച്ചുള്ള പട്ടിക ബിജെപി ദേശീയ അധ്യക്ഷന് കൈമാറി. അനുകൂല നടപടിയുണ്ടാകുമെന്ന് നദ്ദ ഉറപ്പുനൽകിയെന്നും തുഷാർ പറഞ്ഞു. സംസ്ഥാനത്ത് എസ്എൻഡിപിയെ ശക്തിപ്പെടുത്തുന്നതു സംബന്ധിച്ച് നദ്ദയുമായി ചർച്ച ചെയ്തെന്നും അദ്ദേഹം പറഞ്ഞു.

Also Read:

പാലാ രൂപതാധ്യക്ഷൻ ജോസഫ് കല്ലറങ്ങാട്ടിൽ നടത്തിയ നാർക്കോട്ടിക്ക് ജിഹാദ് പരാമർശത്തെത്തുടർന്നാണ് കേരളത്തിൽ വീണ്ടും ‘ലവ് ജിഹാദ്’ ചർച്ചയായിരിക്കുന്നത്. ലൗ ജിഹാദിനൊപ്പം നാർക്കോട്ടിക് ജിഹാദിനും കേരളത്തിലെ കത്തോലിക്ക പെൺകുട്ടികൾ ഇരയാകുന്നുവെന്നാണ് ബിഷപ്പ് കല്ലറങ്ങാട്ട് ആരോപിച്ചത്. ഇളം പ്രായത്തിൽ തന്നെ പെൺകുട്ടികളെ വശത്താക്കുക എന്ന ലക്ഷ്യത്തോടെയാണ് ഈ നീക്കം നടത്തുന്നത്. ലൗ ജിഹാദിനും നാർക്കോട്ടിക് ജിഹാദിനും സഹായം നൽകുന്ന ഒരു വിഭാഗം കേരളത്തിൽ പ്രവർത്തിക്കുന്നുണ്ടെന്നും ബിഷപ്പ് പറഞ്ഞു.

ഇതിനു പിന്നാലെ ബിഷപ്പിന്റെ പ്രസ്താവനയെ തള്ളി മുഖ്യമന്ത്രിയും പ്രതിപക്ഷ നേതാവും രംഗത്തെത്തി. എന്നാൽ കല്ലറങ്ങാട്ടിനെ പിന്തുണയ്ക്കുന്ന നിലപാടാണ് ബിജെപി സ്വീകരിച്ചിരിക്കുന്നത്.

ഉത്തരവാദിത്തപ്പെട്ട സ്ഥാനത്ത് ഇരിക്കുന്നവർ ഇത്തരം പ്രശ്നം കൈകാര്യം ചെയ്യുമ്പോൾ ശ്രദ്ധിക്കണം. ഏതെങ്കിലും തരത്തിലുള്ള മതപരമായ വേർതിരിവ് ഉണ്ടാകാതിരിക്കാനും അനാവശ്യമായി ചേരികൾ സൃഷ്ടിക്കാതിരിക്കാനും ശ്രദ്ധിക്കണമെന്നുമാണ് മുഖ്യമന്ത്രി പിണറായി വിജയൻ വിഷയത്തോട് പ്രതികരിച്ചത്.

നാർക്കോട്ടിക് ജിഹാദ് എന്ന വാദം സംഘപരിവാർ അജണ്ടയാണ്. ക്രൈസ്തവരെയും മുസ്ലീം വിഭാഗങ്ങളെയും അകറ്റുകയാണ് ഇതിലൂടെ ലക്ഷ്യം വെക്കുന്നത്. കുഴപ്പം ഉണ്ടാക്കാൻ മാത്രമായി ചില ആളുകൾ വന്നിരിക്കുകയാണ്. സമൂഹത്തെ ഭിന്നിപ്പിക്കുന്ന തലത്തിലേക്ക് വിഷയം വളർത്തരുത്. കേരളത്തിലെ സമുദായ സംഘർഷം ഉണ്ടാകാതിരിക്കാനും നോക്കുന്നതിനൊപ്പം സമുദായ മൈത്രി നിലനിൽക്കണം എന്നാണ് ആഗ്രഹിക്കുന്നത്. അനാവശ്യ അഭിപ്രായ പ്രകടനങ്ങൾ നന്നല്ല. മുഖ്യധാരാ രാഷ്ട്രീയ പാർട്ടികളും മാധ്യമങ്ങളും പ്രശ്നം വഷളാകാതെ നോക്കണമെന്നും പ്രതിപക്ഷ നേതാവ് വി ഡി സതീശൻ പറഞ്ഞു.

എന്നാൽ, അപ്രിയ സത്യം പറഞ്ഞവരെ ഭരണപക്ഷവും പ്രതിപക്ഷവും വളഞ്ഞിട്ടാക്രമിക്കുകയാണെന്ന് കേന്ദ്ര മന്ത്രി വി മുരളീധരൻ പറഞ്ഞു. മുഖ്യമന്ത്രിയും പ്രതിപക്ഷ നേതാവും ജിഹാദികളുടെ വക്താക്കളാണെന്നും അദ്ദേഹം ആരോപിച്ചു. സമുദായത്തിന്റെ ചില ആശങ്കകളാണ് ബിഷപ്പ് വ്യക്തമാക്കിയത്. അത് വൈകാരികമായ അഭിപ്രായമല്ല. എഴുതി വായിച്ച സുചിന്തിത അഭിപ്രായമാണ്. അതിനെതിരെ പറഞ്ഞതുകൊണ്ട് സത്യം ഇല്ലാതാകില്ലെന്നും മുരളീധരൻ പറഞ്ഞു. ജോസഫ് മാഷിന്റെ കൈ വെട്ടിയ കാലം കഴിഞ്ഞെന്ന് ജിഹാദികളെ പിന്തുണയ്ക്കുന്നവർ മനസിലാക്കണം. കേരളത്തിൽ നാർക്കോട്ടിക്ക് ജിഹാദ് ഉണ്ടോയെന്ന് കേന്ദ്ര സർക്കാരിനോട് ചോദിച്ചിട്ടു പറയാമെന്ന് മാധ്യമ പ്രവർത്തകരുടെ ചോദ്യത്തോട് അദ്ദേഹം പ്രതികരിച്ചു.