കേരളത്തിലെ സമാധാന അന്തരീക്ഷവും മനുഷ്യര് തമ്മിലുള്ള പരസ്പര വിശ്വാസവും തകര്ക്കുന്ന ഒരു നീക്കവും പ്രസ്താവനകളും ഉണ്ടാകരുതെന്ന് സമുദായ, ആത്മീയ നേതാക്കളോട് വിനീതമായി അഭ്യര്ഥിക്കുകയാണ്. കുറ്റകൃത്യങ്ങള്ക്ക് ജാതിയോ മതമോ ജെന്ഡറോ ഇല്ല.
Also Read :
കൊലപാതകങ്ങള്, തീവ്ര നിലപാടുകള്, ലഹരി വസ്തുക്കളുടെ ഉപയോഗം തുടങ്ങി സാമൂഹിക മാധ്യമങ്ങളുടെ ദുരുപയോഗവും സത്രീകളെയും കുഞ്ഞുങ്ങളെയും ആക്രമിക്കുന്നതും വരെ എന്തെല്ലാം നീചവും ഭീകരവുമായ സംഭവപരമ്പരകളാണ് ദിവസേന അരങ്ങേറുന്നത്. ജാതി തിരിച്ചും മതം നോക്കിയും ഇവയുടെ കണക്കെടുക്കുന്നതും ഏതെങ്കിലും സമുദായത്തിനു മേല് കുറ്റം ചാര്ത്തുന്നതും ശരിയല്ല. അത് അക്ഷന്തവ്യമായ തെറ്റാണ് താനും. കടുത്ത മാനസിക വൈകല്യങ്ങള്ക്ക് ജാതിയും മതവും നിശ്ചയിക്കുന്നത് വര്ണവിവേചനത്തിന് തുല്യമാണെന്നും പ്രതിപക്ഷ നേതാവ് പറഞ്ഞു.
മാര് ജോസഫ് കല്ലറങ്ങാട്ടിലിന്റെ പ്രസ്താവന അതിരുകടന്നതായിപ്പോയി. മതമേലധ്യക്ഷന്മാര് സംയമനവും ആത്മനിയന്ത്രണവും പാലിക്കണം. അനാവശ്യമായ അഭിപ്രായ പ്രകടനങ്ങള് സമൂഹത്തില് സ്പര്ദ്ധ വളര്ത്തും. വെല്ലുവിളികളെ നമുക്ക് ഒരുമിച്ച് നേരിടാം. അതിന് ആത്മീയ നേതൃത്വം വെളിച്ചം പകരണം, അല്ലാതെ കൂരിരുട്ട് പടര്ത്തുകയല്ല ചെയ്യേണ്ടത്. ഈ വിവാദങ്ങള് ഇവിടെ അവസാനിപ്പിക്കുന്നതാണ് ഉചിതം. താഴേത്തട്ടിലേക്ക് കൊണ്ടുപോയി, പരസ്പരം ചെളിവാരിയെറിഞ്ഞ് കേരളത്തിന്റെ സാമൂഹിക അന്തരീക്ഷം കലുഷിതമാക്കരുതെന്നും ആവശ്യപ്പെട്ടു.
Also Read :
പാലാ ബിഷപ്പിന്റെ പരാമർശത്തിനെതിരെ കോൺഗ്രസ് എംഎൽഎ പിടി തോമസും നേരത്തെ രംഗത്ത് വന്നിരുന്നു. ബിഷപ്പിന്റേതായി പുറത്തു വന്ന പരാമര്ശം സമുദായ സൗഹാര്ദം വളര്ത്താൻ ഉപകരിക്കുന്നതല്ലെന്നും ഇത്തരം നീരീക്ഷണങ്ങള് സമൂഹത്തിൽ അപകടകരമായ വിള്ളലുണ്ടാക്കുമെന്നുമായിരുന്നു അദ്ദേഹം പറഞ്ഞത്.
കഴിഞ്ഞദിവസമായിരുന്നു പാലാ ബിഷപ്പ് നടത്തിയ വിവാദ പരാമര്ശം ചർച്ചയായത്. ഇതാദ്യമായാണ് കത്തോലിക്കാ സഭയിലെ ഒരു ബിഷപ്പ് നാര്ക്കോട്ടിക് ജിഹാദ് എന്ന പദം ഉപയോഗിക്കുന്നത്. ലൗ ജിഹാദിനു പുറമെ നാര്ക്കോട്ടിക് ജിഹാദും ഉണ്ടെന്ന് ആരോപിച്ച ബിഷപ്പ് സഭയിലെ പെൺകുട്ടികളെ തട്ടിയെടുക്കാൻ ‘ചില കേന്ദ്രങ്ങള്’ പ്രവര്ത്തിക്കുന്നുണ്ടെന്ന് മുൻപ് ഒരു സര്ക്കുലറിലും ആരോപിച്ചിരുന്നു.
Also Read :
പ്രണയത്തെ സഭ എതിര്ക്കുന്നില്ല. എന്നാൽ ഇവിടെ പ്രണയമല്ല സംഭവിക്കുന്നതെന്നും ജിഹാദികളുടെ ലക്ഷ്യം പൂര്ണമായി നശിപ്പിക്കുക എന്നതണെന്നും ബിഷപ്പ് പറഞ്ഞിരുന്നു. അമുസ്ലീങ്ങളായ എല്ലാവരെയും നശിപ്പിക്കണം എന്നതാണ് ജിഹാദ് കൊണ്ട് ലക്ഷ്യം വെക്കുന്നതെന്നും ആയുധം ഉപയോഗിക്കാൻ സാധിക്കാത്ത സാഹചര്യങ്ങളിലാണ് ഇത്തരം മാര്ഗങ്ങള് ഉപയോഗിക്കുന്നതെന്നും ബിഷപ്പ് പറഞ്ഞു. ഇതരമതസ്ഥരായ യുവതികള് ഐഎസ് ക്യാംപിൽ എത്താനുള്ള കാരണം അന്വേഷിച്ചാൽ ഇക്കാര്യം വ്യക്തമാകുമെന്നും ബിഷപ്പ് കൂട്ടിച്ചേര്ത്തു.
