തിരുവനന്തപുരം > സംസ്ഥാനത്തെ കോളേജ് വിദ്യാര്ത്ഥികളുടെ വാക്സിനേഷന് ആരോഗ്യ വകുപ്പും ഉന്നതവിദ്യാഭ്യാസ വകുപ്പും സംയുക്തമായി ചെയ്യുമെന്ന് ആരോഗ്യമന്ത്രി വീണാ ജോര്ജ്. സര്വകലാശാലകള് കേന്ദ്രീകരിച്ച് വാക്സിന് എടുക്കാത്ത അധ്യാപകരുള്പ്പെടെയുള്ളവരുടെ കണക്കെടുക്കും. അതടിസ്ഥാനമാക്കി അവിടെത്തന്നെ വാക്സിനേഷന് ക്യാമ്പുകള് സംഘടിപ്പിക്കുമെന്നും മന്ത്രി അറിയിച്ചു.
സെപ്റ്റംബര് 30നകം 18 വയസിന് മുകളിലുള്ള എല്ലാവര്ക്കും ആദ്യഡോസ് വാക്സിന് നല്കാനാണ് ലക്ഷ്യമിടുന്നത്. ഇപ്പോള് തന്നെ 77 ശതമാനത്തിലധികം പേര് ആദ്യഡോസ് വാക്സിന് എടുത്തിട്ടുണ്ട്. അതിനാല് തന്നെ ലക്ഷ്യം കൈവരിക്കാനാകുമെന്നും മന്ത്രി വ്യക്തമാക്കി.
