എടമുട്ടം> എടമുട്ടം ആല്ഫ പാലിയേറ്റീവ് കെയര് ഡയാലിസിസ് സെന്ററില് പുതുതായി രണ്ട് ഡയാലിസിസ് മെഷീനുകൾ കൂടി സ്ഥാപിച്ചു . ഡയാലിസിസ് മെഷീനുകള് സ്പോണ്സര്മാരായ നോര്ക്ക റൂട്ട്സ് ഡയറക്ടര് സി വി റപ്പായി, ഷേര്ളി റപ്പായി, ദുബായ് കൊച്ചിന് എംപയര് ലയണ്സ് ക്ലബ് പ്രസിഡന്റ് അശോക് പിള്ള, ചാര്ട്ടര് പ്രസിഡന്റ് ഡേവിഡ് വര്ഗീസ് എന്നിവര് ചേര്ന്ന് കൈമാറി. തൃശൂര് എംപി ടി എന് പ്രതാപന് ഉദ്ഘാടനം ചെയ്തു. ജലശുദ്ധീകരണ പ്ലാന്റ് കൊച്ചിന് എംപയര് ലയണ്സ് ക്ലബ് ഭാരവാഹികള് കൈമാറി.
ഇതോടെ ആല്ഫയിലെ ഡയാലിസിസ് മെഷീനുകളുടെ എണ്ണം 17 ആയി. പുതിയ മെഷീനുകള് വന്നതോടെ 150-ലേറെ ഡയാലിസിസുകള് കൂടുതലായി ചെയ്യാനാവുമെന്ന് ആല്ഫാ പാലിയേറ്റീവ് ചെയര്മാന് കെ എം നൂര്ദീന് പറഞ്ഞു. ഇനി മുതല് മൂന്നു ഷിഫ്റ്റിലായി പ്രതിമാസം 1300 ഡയാലിസിസ് നടത്താനാകും.
