അതെ സമയം ന്യൂ ജേഴ്സിയിൽ പഠിക്കുന്ന ലോഗൻ ഹോളറിനെ ഓൺലൈൻ ക്ലാസ്സിൽ നിന്ന് പോലും വിലക്കിയിരിക്കുയാണ് റട്ഗേഴ്സ് യൂണിവേഴ്സിറ്റി. കാരണം വാക്സിനോടുള്ള ലോഗന്റെ എതിർപ്പ് തന്നെ. ലോഗൻ 2020ലാണ് യൂണിവേഴ്സിറ്റിയിൽ പഠിക്കാൻ തുടങ്ങിയത്. കൊറോണ വൈറസിന്റെ വരവിനിടെയാണ് കോളേജ് ആരംഭിച്ചത് എന്നതുകൊണ്ട് തന്നെ സസ്സക്സ് കൗണ്ടിയിലെ സാൻഡിസ്റ്റണിലെ വീട്ടിൽ നിന്നാണ് എല്ലാ ക്ലാസുകളും ലോഗൻ പങ്കെടുത്തത്.
ഈ വർഷം, സീനിയർ ആയപ്പോൾ, കാമ്പസിലെ എല്ലാ വിദ്യാർത്ഥികൾക്കും പ്രതിരോധ കുത്തിവയ്പ്പ് നിർബന്ധമാക്കിയ രാജ്യത്തെ ആദ്യത്തെ സർവകലാശാലയായി റട്ഗേഴ്സ് മാറി. മാത്രമല്ല കോളേജിൽ വരുന്നവർക്ക് ഒരു ഡോസ് വാക്സിനെങ്കിലും നിർബന്ധമാക്കി. അതെ സമയം ഓൺലൈനിൽ ക്ലാസ്സിൽ തുടരുന്നവരോടും എത്രയും പെട്ടന്ന് വാക്സിൻ സ്വീകരിക്കാൻ നിർദേശം നൽകി.
ലോഗൻ അതെ സമയം വാക്സിൻ സംവിധാനത്തോട് വിമുഖതയുള്ള യുവാവാണ്. താൻ വാക്സിൻ സ്വീകരിക്കാൻ ഉദ്ദേശിക്കുന്നില്ല എന്നും അതുകൊണ്ട് തന്നെ കോളേജിലേക്കില്ല എന്നാണ് ലോഗൻ വ്യക്തമാക്കിയത്. മാത്രമല്ല ഓൺലൈൻ ആയി തന്നെ ക്ലാസ്സിൽ തുടരും എന്നും പറഞ്ഞു. അതെ സമയം കോളേജ് പ്രതികരിച്ചത് മറ്റൊരു വിധത്തിലാണ്. വാക്സിൻ സ്വീകരിക്കുന്നതിനെതിരായി പ്രവർത്തിക്കുന്നതിനാൽ ലോഗനെ ഓൺലൈൻ ക്ലാസ്സിൽ നിന്നുപോലും നിരോധിച്ചിരിക്കുകയാണ് യൂനിവേഴ്സിറ്റി എന്ന് ന്യൂ യോർക്ക് പോസ്റ്റ് റിപ്പോർട്ട് ചെയ്യുന്നു. മഹാമാരിക്കെതിരായി ലോക രാജ്യങ്ങൾ പോരാടുമ്പോൾ ലോഗന്റെ നിഷേധാത്മക സമീപനത്തിനെതിരായാണ് യൂണിവേഴ്സിറ്റിയുടെ ഈ തീരുമാനം.
