പഠനം നടത്തിയ കാലയളവിൽ മരിച്ച 905 പേര് ഒഴികെയുള്ളവര് ഒരു ഡോസ് പോലും കൊവിഡ് വാക്സിൻ സ്വീകരിക്കാത്തവരാണെന്ന് പഠനഫലം ഉദ്ധരിച്ചുള്ള മനോര മറിപ്പോര്ട്ടിൽ പറയുന്നു. ഇതാദ്യമായാണ് വാക്സിൻ സ്വീകരിച്ചവരുടെ മരണനിരക്ക് സംബന്ധിച്ച് ആരോഗ്യവകുപ്പ് പഠനം നടത്തുന്നത്. വാക്സിൻ എടുത്ത ശേഷവും കൊവിഡ് വന്നു മരണപ്പെട്ടവരിൽ 700 പേരും ഒരു ഡോസ് മാത്രം വാക്സിൻ സ്വീകരിച്ചവരാണ്. ഇരുനൂറോളം പേര് മാത്രമാണ് രണ്ട് ഡോസ് വാക്സിനെടുത്തിട്ടും മരണത്തിന് കീഴടങ്ങിയത്. ഇവരിൽ പലര്ക്കും മറ്റു ഗുരുതര ആരോഗ്യപ്രശ്നങ്ങള് ഉണ്ടായിരുന്നുവെന്നും റിപ്പോര്ട്ട് വ്യക്തമാക്കുന്നു.
Also Read:
സംസ്ഥാനത്ത് 45 വയസിനു മുകളിൽ പ്രായമുള്ളവരിൽ 92 ശതമാനം പേര്ക്കും ഇതിനോടകം വാക്സിൻ നല്കിയിട്ടുണ്ടെന്നാണ് ആരോഗ്യവകുപ്പിൻ്റെ കണക്ക്. ദേശീയതലത്തിലും സംസ്ഥാനത്തെ വാക്സിനേഷൻ നിരക്ക് ഏറെ മുന്നിലാണ്. എന്നാൽ കൊവിഡ് ബാധ ഗുരുതരമാകാൻ സാധ്യതയുള്ള ഗുരുതര ആരോഗ്യപ്രശ്നങ്ങളുള്ള പലരും ഇപ്പോഴും വാക്സിനെടുത്തിട്ടില്ലെന്നും മനോരമ റിപ്പോര്ട്ടിൽ പറയുന്നു.
കൊവിഡ് ഡെൽറ്റ വകഭേദം മൂലം രോഗികളുടെ എണ്ണവും മരണസംഖ്യയും കുതിച്ചുയര്ന്ന കാലയളവിലായിരുന്നു പഠനം നടത്തിയത്. ഇക്കാലയളവിൽ തൃശൂര് ജില്ലയിലായിരുന്നു ഏറ്റവുമധികം രോഗബാധയുണ്ടായത്. 1021 പേരാണ് ജില്ലയിൽ മരിച്ചത്. എന്നാൽ ഇവരിൽ മരണത്തിനു കീഴടങ്ങിയവരിൽ ഒരു ഡോസെങ്കിലും വാക്സിനെടുത്തവര് 60 പേര് മാത്രമായിരുന്നു. പാലക്കാട്ടെ സ്ഥിതിയും വ്യത്യസ്തമല്ല. മരിച്ച 958 പേരിൽ ഒരു ഡോസെങ്കിലും വാക്സിനെടുത്തവര് 89 പേര് മാത്രം. എറണാകുളത്ത് 81 പേരും കോഴിക്കോട് 74 പേരും മലപ്പുറത്ത 73 പേരും ഒരു ഡോസ് വാക്സിൻ സ്വീകരിച്ച ശേഷം മരിച്ചു. എന്നാൽ ഓരോ ജില്ലയിലും ശരാശരി 15 പേര് മാത്രമാണ് രണ്ട് ഡോസ് വാക്സിനെടുത്തിട്ടും മരിച്ചതെന്നും റിപ്പോര്ട്ടിൽ പറയുന്നു.
Also Read:
സംസ്ഥാനത്ത് പ്രായമേറിയവരിലും ഗുരുതര ആരോഗ്യപ്രശ്നങ്ങളുള്ളവരുമായ മുഴുവൻ പേരിലേയ്ക്കും പരമാവധി വേഗത്തിൽ വാക്സിനെടുക്കാൻ സര്ക്കാര് ശ്രമിക്കുന്നതിനിടെയാണ് കണക്കുകള് പുറത്തു വരുന്നത്. സംസ്ഥാനത്ത് 60 വയസിനു മുകളിൽ പ്രായമുള്ളതും ഗുരുതര ആരോഗ്യപ്രശ്നമുള്ളവരുമായ 9 ലക്ഷത്തോളം പേര് ഇനിയും വാക്സിൻ എടുക്കാൻ തയ്യാറായിട്ടില്ലെന്നു മുഖ്യമന്ത്രി പിണറായി വിജയൻ കഴിഞ്ഞ ദിവസം വ്യക്തമാക്കിയിരുന്നു. പഠനവിധേയമാക്കിയ 9195 പേരിൽ 6200 പേരും ഗുരുതര രോഗങ്ങള് ഉള്ളവരായിരുന്നുവെന്നാണ് കണക്കുകള് പറയുന്നത്. പ്രമേഹരോഗികളും രക്തസമ്മര്ദ്ദമുള്ളവരുമാണ് കണക്കുകളിൽ മുന്നിൽ.
