പത്രപ്രവര്‍ത്തക യൂണിയന്‍ മുഖ്യമന്ത്രിക്ക് നല്‍കിയ പരാതിയില്‍ കേസെടുത്തിരിക്കുന്നത്. മാതൃഭൂമി പത്രത്തിന്റെ കൊച്ചി യൂണിറ്റിലെ മാധ്യമപ്രവർത്തകയായ കെ പി പ്രവിതയ്ക്കാണ് മോശം അനുഭവമുണ്ടായത്. ഏഷ്യാനെറ്റ് ന്യൂസാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്.
Also Read :
ആഴക്കടല്‍ കരാര്‍ വിവാദവുമായി ബന്ധപ്പെട്ട വിവരങ്ങള്‍ ചോദിച്ചപ്പോളാണ് വാട്സ്പ്പിലൂടെ മോശമായ മറുപടി നൽകിയത്. പ്രാഥമിക അന്വേഷണത്തില്‍ കുറ്റകൃത്യം നടന്നതായി തെളിഞ്ഞെന്ന് എഫ്ഐആറില്‍ പറയുന്നു.
മാധ്യമപ്രവര്‍ത്തകയും എൻ പ്രശാന്തും തമ്മിലുള്ള ചാറ്റിന്റെ സ്ക്രീൻഷോട്ടുകളും വാര്‍ത്തയ്ക്ക് പിന്നാലെ പുറത്തുവന്നിരുന്നു. നിരവധിയാളുകളാണ് വിമര്‍ശനവുമായി രംഗത്തുവന്നത്.
എന്ത് അടിസ്ഥാനത്തിലാണ് ഔദ്യോഗിക പ്രതികരണം തേടുമ്പോൾ ഇത്തരം മോശം സ്റ്റിക്കറുകൾ അയക്കുന്നതെന്ന് ചോദ്യത്തിന് പിന്നാലെ പ്രശാന്ത് അതുവരെ അയച്ച സ്റ്റിക്കറുകൾ ഡിലീറ്റ് ചെയ്യുകയും ചെയ്തു.
ആള് മാറിപ്പോയി, വാർത്ത കിട്ടാനുള്ള വഴിയിതല്ലെന്നും, ചില മാധ്യമപ്രവർത്തകർ ശുചീകരണത്തൊഴിലാളികളേക്കാൾ താഴ്ന്നവരാണെന്നും എൻ പ്രശാന്തിന്റെ മറുപടി.
പിന്നീട്, മാതൃഭൂമി ലേഖികയും പ്രശാന്ത് നായര്‍ ഐഎഎസും തമ്മിലുള്ള വാട്സാപ്പ് സന്ദേശങ്ങള്‍ മാതൃഭൂമി ദിനപത്രം പ്രസിദ്ധീകരിക്കുകയും ചെയ്തിരുന്നു. വാട്സാപ്പ് സന്ദേശത്തിൻ്റെ സ്ക്രീൻഷോട്ടുകളടക്കമാണ് വാര്‍ത്ത വന്നിരിക്കുന്നത്.
സംഭവം വിവാദമായതിന് പിന്നാലെ, പ്രശാന്തല്ല താനാണ് മറുപടികൾ അയച്ചതെന്ന് പറഞ്ഞ് ഭാര്യ ലക്ഷ്മി പ്രശാന്ത് രംഗത്തെത്തിയിരുന്നു.
ഫോണിൽ വിളിച്ചു കിട്ടാതായപ്പോഴായിരുന്നു ഐഎഎസ് ഉദ്യോഗസ്ഥനെ വാട്സാപ്പിൽ ബന്ധപ്പെട്ടതെന്ന് മാതൃഭൂമിയുടെ റിപ്പോര്‍ട്ടിൽ പറയുന്നു. പത്രം പ്രസിദ്ധീകരിച്ച സ്ക്രീൻഷോട്ടുകള്‍ പ്രകാരം ഇരുവരും തമ്മിലുള്ള സംഭാഷണം ഇങ്ങനെയാണ്.
മാതൃഭൂമി റിപ്പോര്‍ട്ടര്‍ പ്രവിതയാണ് സംസാരിക്കുന്നതെന്നും സംസാരിക്കാൻ നല്ല സമയമാണോ എന്നും ചോദിച്ചാണ് സംഭാഷണം തുടങ്ങുന്നത്. എന്നാൽ, നടൻ സുനിൽ സുഖദയുടെ ചിത്രമുള്ള ഒരു സ്റ്റക്കറായിരുന്നു മറുപടി.
ഇതിനു ചിരിക്കുന്ന ഇമോജി തിരിച്ചയച്ച റിപ്പോര്‍ട്ടര്‍ താങ്കളെ ഉപദ്രവിക്കാനല്ലെന്നും വാര്‍ത്തയുടെ ആവശ്യത്തിനായി വിവരങ്ങള്‍ തേടി വിളിച്ചതാണെന്നും മറുപടി നല്‍കി. എന്നാൽ അശ്ലീലച്ചുവയോടെ നടിയുടെ ചിത്രമുള്ള ഒരു സ്റ്റിക്കറായിരുന്നു ഇതിനു മറുപടി.
“ഇത് എന്തുതരത്തിലുള്ള മറുപടിയാണ്” എന്ന ആശ്ചര്യത്തോടെയുള്ള ചോദ്യത്തിനും മറ്റൊരു സ്റ്റിക്കര്‍ മാത്രമായിരുന്നു മറുപടി. ഇതോടെ താൻ അശ്ലീലച്ചുവുള്ള മറുപടിയല്ല ഒരു ഉന്നത ഉദ്യോഗസ്ഥനിൽ നിന്ന് പ്രതീക്ഷിച്ചതെന്നും ഇത് ബന്ധപ്പെട്ട അധികാരിള്‍ക്ക് മുന്നിൽ അവതരിപ്പിക്കുമെന്നും റിപ്പോര്‍ട്ടര്‍ മറുപടി നല്‍കി. ഇനി ചോദ്യങ്ങള്‍ക്ക് മറുപടി ആവശ്യമില്ലെന്നും സ്ത്രീകളോട് ബഹുമാനിക്കാൻ പഠിക്കൂ എന്നം ലേഖിക മറുപടി നല്‍കി.
ഇതോടെയാണ് പ്രശാന്ത് സ്റ്റിക്കറുകൾ ഡിലീറ്റ് ചെയ്യുകയും ചാറ്റ് ചെയ്യാനും തുടങ്ങിയത്.
Also Read :
എന്ത്? വാര്‍ത്തയുണ്ടാക്കാൻ നല്ല വഴി. പക്ഷെ ആളും പയറ്റിയ തന്ത്രവും തെറ്റിപ്പോയി.” എന്നായിരുന്നു മറുപടി. “വെറുതെയല്ല ചില മാധ്യമപ്രവര്‍ത്തക‍ര്‍ ശവംതീനികളാണെന്നു പറയുന്നതിൽ ഒരതിശയവുമില്ല” എന്നും പ്രശാന്ത് കൂട്ടിച്ചേര്‍ത്തു.
വാര്‍ത്ത വിവാദമായതിന് പിന്നാലെയാണ് ഉത്തരവാദിത്തം ഏറ്റെടുത്ത് പ്രശാന്തിന്റെ ഭാര്യ ലക്ഷ്മി പ്രശാന്ത് രംഗത്ത് വന്നത്. അതിന് പിന്നാലെ, ഔദ്യോഗിക നമ്പറിൽ തീർത്തും ഔദ്യോഗികമായ പ്രതികരണം തേടിയപ്പോൾ അതിന് ഭാര്യയാണോ മറുപടി പറയുക എന്ന ചോദ്യമാണ് സാമൂഹ്യമാധ്യമങ്ങളിൽ നിന്നുര്‍ന്നിരുന്നു.
