ബ്രസൽസ്
നൂറാംമത്സരത്തിൽ ഗോളടിച്ച് റൊമേലു ലുക്കാക്കു ബൽജിയത്തിന് അനായാസ ജയമൊരുക്കി. മൂന്ന് ഗോളിന് ചെക്ക് റിപ്പബ്ലിക്കിനെയാണ് ബൽജിയം തോൽപ്പിച്ചത്. ബൽജിയത്തിനായി 67–ാം ഗോളാണ് ലുക്കാക്കു നേടിയത്. ഏദെൻ ഹസാർഡും അലെക്സിസ് സീൽമേക്കേഴ്സും ലക്ഷ്യംകണ്ടു.
ജർമനി ആറ് ഗോളിന് അർമേനിയയെ തകർത്തു. സ്പെയ്ൻ നാല് ഗോളിന് ജോർജിയയെ തോൽപ്പിച്ചു. പോളണ്ട് സാൻമരീനോയെ 7–1നും ഇംഗ്ലണ്ട് 4–0ന് അൻഡോറയെയും തകർത്തു.
