കൊച്ചി > പെരിന്തൽമണ്ണ നിയോജക മണ്ഡലത്തിൽ നിന്നും വിജയിച്ച നജീബ് കാന്തപുരം എംഎൽഎയുടെ തെരഞ്ഞെടുപ്പ് ചോദ്യം ചെയ്ത് ഇടതു മുന്നണി സ്ഥാനാർത്ഥി കെ പി മുഹമ്മദ് മുസ്തഫ സമർപ്പിച്ച തെരഞ്ഞെടുപ്പ് ഹർജി ഹൈക്കോടതി ഫയലിൽ സ്വീകരിച്ചു. കോടതി നജീബ് കാന്തപ്പുരത്തിന് നോട്ടീസയച്ചു.
പോസ്റ്റൽ ബാലറ്റുകൾ എണ്ണുന്നതിൽ വരണാധികാരിയുടെ വീഴ്ച ചൂണ്ടിക്കാട്ടിയാണ് ഹർജി. 348 പോസ്റ്റൽ ബാലറ്റുകൾ വരണാധികാരി നിരസിച്ചുവെന്നും അതിൽ മുന്നൂറോളം വോട്ടുകൾ തനിക്ക് അനുകൂലമായി പോൾ ചെയ്തിട്ടുണ്ടെന്നും തന്നെ വിജയിയായി പ്രഖ്യാപിക്കണമെന്നും ഹർജിയിൽ ആവശ്യമുണ്ട്. 38 വോട്ടുകളുടെ ഭൂരിപക്ഷം മാത്രമാണ് നജീബ് കാന്തപുരത്തിനുണ്ടായിരുന്നത്.
