കൊച്ചി: നവാഗതർ നായകരാകുന്ന സസ്പെൻസ് ത്രില്ലർ കൂറ സപ്തംബർ ഒൻപതിന് ഒ.ടി.ടിയിൽ റിലീസാകും. ജോജൻ സിനിമാസിന്റെ ബാനറിൽ നവാഗതനായ വൈശാഖ് ജോജൻ കഥയും തിരക്കഥയും എഴുതി സംവിധാനം ചെയ്യുന്ന ചിത്രമാണ് കൂറയിൽ കീർത്തി ആനന്ദ്, വാർത്തിക് എന്നീ പുതുമുഖങ്ങൾ കേന്ദ്രകഥാപാത്രങ്ങളെ അവതരിപ്പിക്കുന്നു. നായകനും നായികയും ഉൾപ്പെടെ അരങ്ങിലും അണിയറയിലുമായി മുപ്പതോളം പുതുമുഖങ്ങളെയാണ് ജോജൻ സിനിമാസ് കൂറയിലൂടെ അവതരിപ്പിക്കുന്നത്. പ്രശസ്ത പരിസ്ഥിതി പ്രവർത്തകനായ പ്രൊ. ശോഭീന്ദ്രൻ ചിത്രത്തിൽ ഒരു ശ്രദ്ധേയമായ വേഷം അവതരിപ്പിക്കുന്നു. ചിത്രത്തിന്റെ ട്രെയിലർ നീസ്ട്രീമിന്റെ യൂട്യൂബ് ചാനലിലൂടെ ട്രെയിലർ കഴിഞ്ഞ ദിവസം പുറത്തിറങ്ങി.
സപ്തംബർ 9ന് പ്രമുഖ ഒ.ടി.ടി പ്ലാറ്റ്ഫോമുകളായ നീസ്ട്രീം, സൈന പ്ലേ എന്നിവയിലൂടെയാണ് പ്രദർശനത്തിനെത്തുന്നത്. കോ-പ്രൊഡ്യൂസേഴ്സ് ഡോ. ബിന്ദു കൃഷ്ണാനന്ദ്, ഡോ.ദീപേഷ് കരിമ്പുങ്കര എന്നിവരാണ്. അരുണ് കൂത്തടുത്താണ് ചിത്രത്തിന്റെ ഛായാഗ്രഹണം, എഡിറ്റിങ് വൈശാഖ് ജോജൻ, സംഗീതം നിതിൻ പീതാംബരൻ, ഏ. ജി ശ്രീരാഗ്, പശ്ചാത്തലസംഗീതം നിതിൻ പീതാംബരൻ, കലാസംവിധാനം അതുല് സദാനന്ദൻ, പ്രൊഡക്ഷന് കണ്ട്രോളര് ജനുലാല് തയ്യില്,ശബ്ദമിശ്രണം ശ്യാംറോഷ്, അസോസിയേറ്റ് ഡയറക്ടര് റാനിഷ് , അസിസ്റ്റന്റ് ഡയറക്ടര് അക്ഷയ്കുമാര്, ഡിജിറ്റൽ ഹെഡ് നിപുൺ ഗണേഷ്, ചമയം ആതിര മണി, പി.ആർ.ഒ സുനിത സുനിൽ.
