സാന്റിയാഗോ> ലോകകപ്പ് ഫുട്ബോള് യോഗ്യതാ മത്സരത്തില് കരുത്തരായ അര്ജന്റീനയ്ക്കും ബ്രസീലിനും വിജയം. ഒന്നിനെതിരേ മൂന്നു ഗോളുകള്ക്കാണ് അര്ജന്റീന വെനസ്വേലയെ കീഴടക്കിയത്.അര്ജന്റീന വെനസ്വേലയെയും ബ്രസീല് ചിലിയെയും കീഴടക്കി.
ബ്രസീല് ഏകപക്ഷീയമായ ഒരു ഗോളിന് ചിലിയെ പരാജയപ്പെടുത്തി. 64-ാം മിനിട്ടില് യുവതാരം എവര്ട്ടണ് റിബെയ്റോയാണ് കാനറികളുടെ വിജയഗോള് നേടിയത്.
മെസ്സിയ്ക്ക് വിശ്രമമനുവദിച്ച മത്സരത്തില് അര്ജന്റീനയ്ക്കായി ലൗട്ടാരോ മാര്ട്ടിനെസ് (45), ജോക്വിന് കൊറിയ (71), ഏന്ഹെല് കൊറിയ (74) എന്നിവര് സ്കോര് ചെയ്തു. മത്സരമവസാനിക്കാന് സെക്കന്ഡുകള് മാത്രം ബാക്കിനില്ക്കെ ലഭിച്ച പെനാല്ട്ടി ലക്ഷ്യത്തിലെത്തിച്ച് യെഫേഴ്സണ് സൊറ്റെല്ഡോ വെനസ്വേലയ്ക്കായി ആശ്വാസ ഗോള് നേടി.
ഏഴുമത്സരങ്ങളില് നിന്നും 15 പോയന്റുമായി അര്ജന്റീന പോയന്റ് പട്ടികയില് രണ്ടാം സ്ഥാനത്ത് തുടരുന്നു. നാല് വിജയവും മൂന്ന് സമനിലയുമാണ് അര്ജന്റീന നേടിയത്.
അതേസമയം അപരാജിതരായ ബ്രസീല് പോയന്റ് പട്ടികയില് ഒന്നാം സ്ഥാനത്ത് തുടരുന്നു. ഏഴു മത്സരങ്ങളില് ഏഴും ജയിച്ച ബ്രസീലിന് 21 പോയന്റുണ്ട്
