ടോക്യോ> പാരാലിമ്പിക്സില് ഇന്ത്യയ്ക്ക് ഒരു വെള്ളി മെഡല് കൂടി. ഏഷ്യന് റെക്കോഡോടെ പ്രവീണ് കുമാറാണ് പുരുഷന്മാരുടെ ടി 64 ഹൈജമ്പില് വെള്ളി നേടിയത്. ഈ ഇനത്തില് ബ്രിട്ടന്റെ ജൊനാതന് ബ്രൂം എഡ്വാര്ഡ്സ് സ്വര്ണം നേടി. പോളണ്ടിന്റെ ലെപ്പിയാറ്റോയ്ക്കാണ് വെങ്കലം.
2.07 മീറ്റര് ചാടിയാണ് പ്രവീണ് വെള്ളിമെഡല് സ്വന്തമാക്കിയത്. ഈ പ്രകടനത്തോടെ ഏഷ്യന് റെക്കോഡും താരം സ്വന്തമാക്കി. ആദ്യ ശ്രമത്തില് 1.83 മീറ്റര് കണ്ടെത്തിയ താരം രണ്ടാം ശ്രമത്തില് അത് 1.97 മീറ്ററാക്കി ഉയര്ത്തി. പിന്നാലെ 2.01 മീറ്ററും 2.07 മീറ്ററും ചാടിക്കടന്ന് പ്രവീണ് ഇന്ത്യയുടെ അഭിമാനമായി മാറി.
12-ാമത് ഫാസ അന്താരാഷ്ട്ര ലോക പാര അത്ലറ്റിക്സ് ഗ്രാന്ഡ് പ്രിക്സില് പ്രവീണ് 2.05 മീറ്റര് ചാടി സ്വര്ണം നേടിയിരുന്നു.
