സംസ്ഥാനത്തെ വിവിധ വകുപ്പുകളിലെ പുതിയ മാറ്റങ്ങൾ സംബന്ധിച്ച ഉത്തരവ് വ്യാഴാഴ്ചയാണ് സർക്കാർ പുറത്തിറക്കിയത്.
വനിത – ശിശു വികസന വകുപ്പ് ഡയറക്ടറായിരുന്ന ടി വി അനുപമയെ പട്ടിക വർഗ വികസന വകുപ്പ് ഡയറക്ടറായി നിയമിച്ചു. നിലവിൽ ഇലക്ട്രോണിക്സ് ആൻഡ് ഇൻഫർമേഷൻ വകുപ്പ് അഡീഷണൽ സെക്രട്ടറിയായ മൊഹമ്മദ് വൈ. സഫീറുള്ളയെ കേരള ഗുഡ്സ് ആൻഡ് സർവീസ് ടാക്സ് വകുപ്പിൽ സ്പെഷൽ കമ്മിഷണറായും നിയമിച്ചു.
സർവേ ആൻഡ് ലാൻഡ് റെക്കോർഡ്സ് വകുപ്പ് ഡയറക്ടർ എസ് സാംബശിവ റാവുവിന് കേരള സ്റ്റേറ്റ് ട്രാൻസ്പോർട്ട് പ്രോജക്ടിൻ്റെ പ്രൊജക്ട് ഡയറക്ടറുടെയും കേരള റോഡ് ഫണ്ട് ബോർഡിൻ്റെ സി ഇ ഒയുടെയും അധിക ചുമതല നൽകി. വയനാട് കളക്ടർ അദീല അബ്ദുള്ള വനിത – ശിശു വികസന വകുപ്പ് ഡയറക്ടറായി നിയമിച്ചു. ജെൻഡർ പാർട്ടിൻ്റെ സി ഇ ഒ , സംസ്ഥാന ലോട്ടരി വകുപ്പിൻ്റെ ഡയറക്ടർ എന്നീ അധിക ചുമതയും അദീലയ്ക്കുണ്ട്.
മഹാത്‌മാ ഗാന്ധി ദേശീയ തൊഴിലുറപ്പ് പദ്ധതി മിഷൻ ഡയറക്ടർ എസ് ഷാനവാസിനെ കൊച്ചിൻ സ്‌മാർട്ട് മിഷൻ ലിമിറ്റഡ് സി ഇ ഒ ആയി നിയമിച്ചു. വൈറ്റില മൊബിലിറ്റി ഹബ് സൊസൈറ്റി , കൊച്ചി മെട്രോ പൊളിറ്റൻ ട്രാൻസ്പോർട്ട് അതോറിറ്റി എന്നിവയുടെ മാനേജിങ് ഡയറക്ടറുടെ അധിക ചുമതലയും അദ്ദേഹത്തിന് നൽകി. കൊല്ലം കളക്ടറായിരുന്ന അബ്ദുൾ നാസറിനെ മഹാത്‌മാ ഗാന്ധി ദേശീയ തൊഴിലുറപ്പ് പദ്ധതിയുടെ മിഷൻ ഡയറക്ടറായി നിയമിച്ചു. സിവിൽ സപ്ലൈസ് വകുപ്പ് ഡയറക്ടർ ഡോ. ഡി. സജിത് ബാബുവിന് ഇന്‍സ്റ്റിറ്റ്യൂട്ട് ഓഫ് ലാന്‍ഡ് ആന്‍ഡ് ഡിസാസ്റ്റര്‍ മാനേജ്‌മെന്റ് ഡയറക്ടറുടെ അധികച്ചുമതല കൂടി നല്‍കി.
മലപ്പുറം കളക്ടറായിരുന്ന കെ ഗോപാലകൃഷ്ണനെ എം പ്ലോയിസ് ആൻഡ് ട്രെയിനിങ് വകുപ്പ് ഡയറക്ടറായി നിയമിച്ചു. കണ്ണൂര്‍ കളക്ടര്‍ ടി.വി. സുഭാഷിനെ അഗ്രികള്‍ച്ചര്‍ ഡെവലപ്‌മെന്റ് ആന്‍ഡ് ഫാമേഴ്‌സ് വെല്‍ഫെയര്‍ വകുപ്പ് ഡയറക്ടറായി നിയമിച്ചു. ഹൗസിങ് കമ്മിഷണർ എൻ ദേവിദാസിന് ബാാക്വേഡ് ക്ലാസസ് ഡെവലപ്മെൻ്റ് വകുപ്പ് ഡയറക്ടറുടെ അധിക ചുമതല കൂടി നൽകും. കണ്ണൂർ ഡിസ്ട്രിക്ട് ഡെവലപ്മെൻ്റ് ഓഫീസർ സ്നേഹിൽ കുമാർ സിങിനെ കേരള സ്റ്റേറ്റ് ഐ.ടി മിഷൻ ഡയറക്ടറായി നിയമിച്ചു. ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി വകുപ്പ്, സി – ഡിറ്റ് ഡയറക്ടർ എന്നിവയുടെ അധിക ചുമതല കൂടി നൽകി.
