മുംബൈ> നടന് സിദ്ധാര്ഥ് ശുക്ല (40)അന്തരിച്ചു. ഹൃദയാഘാതമാണ് മരണകാരണമെന്ന് ആശുപത്രി അധികൃതര് സ്ഥിരീകരിച്ചു. മുംബൈയിലെ വസതയില് അബോധാവസ്ഥയില് കാണപ്പെട്ട നടനെ കുപ്പര് ഹോസ്പിറ്റലില് പ്രവേശിപ്പിക്കുകയായിരുന്നു. എന്നാല് ജീവന് രക്ഷിക്കാനായില്ല. പോസ്റ്റ്മോര്ട്ടം നടപടികള് പുരോഗമിക്കുകയാണ്.
ബിഗ് ബോസ് 13 പതിപ്പ് വിജയിയായതാണ് സിദ്ധാര്ഥിന്റെ കരിയറില് വഴിത്തിരിവായത്. ബിസിനസ് ഇന് റിതു ബാസാര്, ഹംപ്റ്റി ശര്മ ഹി ദുല്ഹനിയ തുടങ്ങിയ ചിത്രങ്ങളില് വേഷമിട്ടു.
ഒട്ടനവധി ടെലിവിഷന് ഷോകളില് മത്സരാര്ഥിയും അവതാരകനുമായെത്തി. അശോക് ശുക്ല, റിതേഷ് ശുക്ല എന്നിവരാണ് മാതാപിതാക്കള്.ബ്രോക്കണ് ബട്ട് ബ്യൂട്ടിഫുള് 3 എന്ന വെബ് സീരീസില് അഭിനയിച്ചു വരികെയായിരുന്നു മരണം. ഉത്തര്പ്രദേശ് സ്വദേശിയാണ്.
