കൊച്ചി : മലയാളത്തിൻ്റെ പ്രിയ താരം ജയസൂര്യക്ക് പിറന്നാള് ദിനത്തില് ജന്മദിന സമ്മാനവുമായി എത്തിയിരിക്കുകയാണ് സംവിധായകൻ ജോഷിയും, മലയാളത്തിലെ പ്രമുഖ നിർമാതക്കളായ കാവ്യ ഫിലിംസും. മാമാങ്കത്തിന് ശേഷം കാവ്യ ഫിലിംസിന്റെ വേണു കുന്നപ്പിള്ളി നിർമ്മിക്കുന്ന രണ്ടാമത്തെ സിനിമയുടെ അന്നൗൺസ്മെൻ്റ് ജയസൂര്യയുടെ ജന്മദിന സമ്മാനമായി പുറത്തിറക്കിയിരിക്കുകയാണിപ്പോൾ. ജയസൂര്യ നായകൻ ആകുന്ന ഈ ചിത്രം മാസ്റ്റർ ക്രാഫ്റ്റ്സ്മാൻ ജോഷിയാണ് സംവിധാനം നിർവഹിക്കുന്നത്.
പൊറിഞ്ചു മറിയം ജോസ്, പാപ്പൻ എന്നീ ചിത്രങ്ങൾക്ക് ശേഷം ജോഷി സംവിധാനം ചെയ്യാൻ പോകുന്ന ചിത്രം കൂടിയാണിത്. കുറെ നാളുകൾക്ക് ശേഷം നടൻ ജയസൂര്യയുടെ ഒരു മാസ് ആക്ഷൻ ചിത്രമായിരിക്കും ഇതെന്ന് പ്രതീക്ഷിക്കാം. ചിത്രത്തിൻ്റെ കഥ, തിരക്കഥ ഒരുക്കുന്നത് നിഷാദ് കോയ, പ്രോജക്ട് ഡിസൈൻ ബാദുഷ എൻ എം.വാർത്ത പ്രചരണം: വാഴൂർ ജോസ്, പി.ശിവപ്രസാദ്, മഞ്ജു ഗോപിനാഥ് എന്നിവരാണ്.
