ടോക്യോ
പാരാലിമ്പിക്സിസ് ബാഡ്മിന്റൺ എസ്എൽ 3ൽ ഇന്ത്യയുടെ പ്രമോദ് ഭഗത് രണ്ടാം റൗണ്ടിൽ. മറ്റൊരു ഇന്ത്യക്കാരൻ മനോജ് സർക്കാരിനെയാണ് ഒന്നാംസീഡായ പ്രമോദ് തോൽപ്പിച്ചത് (21–10, 21–23, 21–9). മിക്സഡ് ഡബിൾസിൽ പ്രമോദ്–പാലക് കോഹ്–ലി സഖ്യം തോറ്റു.
ഷൂട്ടിങ്ങിൽ മിക്സഡ് 10 മീറ്റർ എയർറൈഫിളിൽ ഇന്ത്യക്ക് നിരാശ. നേരത്തേ സിംഗിൾസിൽ സ്വർണം നേടിയ അവാനി ലേഖര 27–ാം സ്ഥാനത്തും ദീപക് സെയ്നി 43–ാമതുമായി. മലയാളി ഷൂട്ടർ സിദ്ധാർഥ ബാബു നാൽപ്പതാമതായി . പുരുഷൻമാരുടെ എഫ് 51 ക്ലബ് ത്രോയിൽ അമിത്കുമാർ അഞ്ചാമതായി. യോഗ്യതാ റൗണ്ടിൽ ഒന്നാമതെത്തിയിരുന്നു അമിത്.
