ന്യൂയോർക്ക്
നിലവിലെ ചാമ്പ്യൻ നവോമി ഒസാക്ക യുഎസ് ഓപ്പൺ ടെന്നീസ് രണ്ടാംറൗണ്ടിൽ കടന്നു. ഫ്രഞ്ച് ഓപ്പണിനിടെ പിന്മാറിയശേഷം ഒസാക്കയുടെ ആദ്യ ഗ്രാൻഡ് സ്ലാം മത്സരമായിരുന്നു ഇത്. ആദ്യറൗണ്ടിൽ ചെക്ക് റിപ്പബ്ലിക്കിന്റെ മരിയെ ബൗസ്കോവയെ നേരിട്ടുള്ള സെറ്റുകളിൽ തോൽപ്പിച്ചു (6–4, 6–1). ആഞ്ചലിക് കെർബർ, വിക്ടോറിയ അസരെങ്ക എന്നിവരും രണ്ടാംറൗണ്ടിലെത്തി.
പുരുഷന്മാരിൽ ഡാനിൽ മെദ്-വെദെവ്, ഗ്രിഗർ ദിമിത്രോവ് എന്നിവരും മുന്നേറി. ആൻഡി മറെയെ തോൽപ്പിച്ച് സ്റ്റെഫനിസ് സിറ്റ്സിപാസും രണ്ടാംറൗണ്ടിൽ കടന്നു.
