തിരുവനന്തപുരം
പരീക്ഷകൾക്കിടയിലുള്ള ഇടവേള കൂട്ടി ഹയർ സെക്കൻഡറി, വൊക്കേഷണൽ ഹയർ സെക്കൻഡറി ഒന്നാം വർഷ പരീക്ഷാ ടൈംടേബിളുകൾ പുതുക്കി. ആറുമുതൽ 16 വരെ നിശ്ചയിച്ച ഹയർ സെക്കൻഡറി പരീക്ഷ ആറുമുതൽ 27 വരെയാകും. ഏഴുമുതൽ 16 വരെയായിരുന്ന വിഎച്ച്എസ്ഇ പരീക്ഷ ഏഴുമുതൽ 27 വരെയാകും. കുട്ടികളുടെ അഭ്യർഥന പ്രകാരം മന്ത്രി വി ശിവൻകുട്ടി പരീക്ഷകൾക്കിടയിലെ ഇടവേള വർധിപ്പിക്കാൻ നിർദേശിക്കുകയായിരുന്നു.
അഭിരുചിക്കനുസരിച്ച് ചോദ്യങ്ങൾ തെരഞ്ഞെടുക്കാനും ഉത്തരം എഴുതാനും അവസരം ഒരുക്കിയിട്ടുണ്ട്. നിശ്ചിത എണ്ണത്തിൽ കൂടുതൽ ചോദ്യങ്ങൾക്ക് ഉത്തരം എഴുതിയാൽ കൂടുതൽ മാർക്ക് ലഭിക്കുന്നത് പരിഗണിക്കും. സമാശ്വാസ സമയം 20 മിനിറ്റ് ആയി വർധിപ്പിച്ചിട്ടുമുണ്ട്.
