കോഴിക്കോട് > മൂഴിക്കലിൽ വീടിന് തീപിടിച്ചു. ഉമ്മറത്തെ പറമ്പ് ജന്നത്ത് വീട് ചെറുവറ്റ മറിയക്കുട്ടിയുടെ വീടിനാണ് ചൊവ്വാഴ്ച പകൽ രണ്ടരയോടെ തീപിടിച്ചത്. നാട്ടുകാർ അറിയിച്ചതിനെത്തുടർന്ന് വെള്ളിമാടുകുന്ന് ഫയർ സ്റ്റേഷനിൽ നിന്നുള്ള അഗ്നിശമന സേനാംഗങ്ങളെത്തി തീയണച്ചു.
അടുക്കളയിലെ ഫ്രിഡ്ജിൽ നിന്നാണ് തീ പടർന്നത്. വീടിനകത്തുനിന്ന് രണ്ട് ഗ്യാസ് സിലിണ്ടറുകൾ എടുത്ത് മാറ്റിയതിനാൽ വലിയ അപകടം ഒഴിവായി. അസിസ്റ്റന്റ് സ്റ്റേഷൻ ഓഫീസർ ഒ കെ അശോകന്റെ നേതൃത്വത്തിലായിരുന്നു രക്ഷാപ്രവർത്തനം.
