കോഴഞ്ചേരി> പതിനാലുകാരിയെ തട്ടിക്കൊണ്ടുപോയി പീഡിപ്പിച്ച കേസില് യുവാവ് അറസ്റ്റില്. ഏനാദിമംഗലം കന്നിട വേടമല ഗിരിജവിലാസത്തില് അശോക് കുമാറാണ് പിടിയിലായത്. മകളെ കാണാതായെന്ന അമ്മയുടെ പരാതിയില് ജില്ലാ പൊലീസ് മേധാവി ആര് നിശാന്തിനിയുടെ നിര്ദേശപ്രകാരം ഡിവൈഎസ്പി സജീവിന്റെ നേതൃത്വത്തില് പ്രത്യേക അന്വേഷകസംഘം രൂപീകരിച്ചായിരുന്നു അന്വേഷണം.
വാടകയ്ക്കെടുത്ത കാറില് കറങ്ങിയ പ്രതി പൊലീസ് അന്വേഷിക്കുന്നതറിഞ്ഞ് ഓട്ടോറിക്ഷയില് രക്ഷപ്പെടാന് ശ്രമിച്ചു. പിന്തുടര്ന്നെത്തിയ പൊലീസ് ഇളമണ്ണൂര് ബാങ്ക്പടിക്കല് ഓട്ടോ തടഞ്ഞ് പിടികൂടുകയായിരുന്നു. ഇയാളുടെ കുടുംബം തമിഴ്നാട്ടിലാണ്.
പുനലൂരില്നിന്ന് പാലരുവി ട്രെയിനില് തമിഴ്നാട്ടിലേക്ക് രക്ഷപ്പെടാന് ഇയാള് ടിക്കറ്റ് ബുക്ക് ചെയ്തിരുന്നു. ഇലവുംതിട്ട എസ്എച്ച്ഒ അയൂബ് ഖാന്, എസ്ഐമാരായ ജയേഷ്, സത്യദാസ്, അശോക് കുമാര്, എഎസ്ഐമാരായ വിനോദ് കുമാര്, എസ് വിജയകുമാര്, സിപിഒമാരായ കെ എസ് സജു, സന്തോഷ് കുമാര്, ബിനോയി, സുരേഷ് കുമാര്, താജുദീന്, ശ്യാംകുമാര്, അന്വര്ഷാ, ശ്രീജിത്ത്, അനൂപ് എന്നിവര് പല സംഘങ്ങളായി തിരിഞ്ഞാണ് പ്രതിയെ പിടികൂടിയത്. ഇയാളെ റിമാന്ഡുചെയ്തു.
