Also Read:
ഡിസിസി പട്ടികയുമായി ബന്ധപ്പെട്ട് എ, ഐ ഗ്രൂപ്പ് നേതാക്കളും കെപിസിസി നേതൃത്വവും തമ്മിൽ പരസ്യമായ പോരിലേയ്ക്ക് കടക്കുന്നതിനിടെയാണ് എ വി ഗോപിനാഥിൻ്റെ രാജി. മുൻപ് പെരിങ്ങോട്ടുകുറുശി പഞ്ചായത്ത് പ്രസിഡൻ്റായിരുന്ന ഗോപിനാഥ് ആലത്തൂര് എംഎൽഎയുമായിരുന്നു. എന്നാൽ നിയമസഭാ തെരഞ്ഞെടുപ്പ് സ്ഥാനാര്ഥി നിര്ണയവുമായി ബന്ധപ്പെട്ട് പാര്ട്ടി മുന്നോട്ടു വെച്ച ഒത്തു തീര്പ്പു വ്യവസ്ഥകളുടെ ഭാഗമായി എ വി ഗോപിനാഥിന് ഡിസിസി അധ്യക്ഷ പദവി വാഗ്ദാനം ചെയ്തിരുന്നു. എന്നാൽ പുതിയ പട്ടികയിൽ പേരില്ലാതെ വന്നതോടെ പാര്ട്ടി നേതൃത്വത്തിനെതിരെ ഗോപിനാഥ് പരസ്യമായി രംഗത്തു വരികയായിരുന്നു.
Also Read:
പാലക്കാട്ടെ മുതിർന്ന കോൺഗ്രസ് നേതാവും മുൻ എം.എൽ.എയുമായ എ.വി. ഗോപിനാഥ് പാർട്ടി വിട്ടു. പാർട്ടി വിടുന്നതിന്റെ ഭാഗമായി കോൺഗ്രസ് പ്രാഥമിക അംഗത്വം ഗോപിനാഥ് രാജിവെച്ചു. സ്വദേശമായ പെരിങ്ങോട്ടുകുറുശ്ശിയിൽ വിളിച്ചു ചേർത്ത വാർത്താസമ്മേളനത്തിലാണ് ഗോപിനാഥ് തീരുമാനം പ്രഖ്യാപിച്ചത്. താൻ കോൺഗ്രസിനു വേണ്ടിയാണ് ജീവിതം ഉഴിഞ്ഞു വെച്ചതെന്നും എന്നാൽ പാര്ട്ടിയിൽ നിന്ന് തൻ്റെ മനസ്സിനെ തളര്ത്തുന്ന സംഭവങ്ങള് ആവര്ത്തിക്കുകയാണെന്നും ഗോപിനാഥ് പറഞ്ഞു. ഇതോടെ പ്രതീക്ഷയില്ലാത്ത യാത്ര അവസാനിപ്പിക്കാൻ മനസ്സു പറയുകയാണെന്നും ഗോപിനാഥ് വ്യക്തമാക്കി.
അതേസമയം, ഭാവി പരിപാടികൾ വിശദീകരിക്കാൻ ഗോപിനാഥ് തയ്യാറായില്ല. ഈശ്വരനായി കണ്ട കരുണാകരന് നന്ദി പറയുന്നുവെന്ന് പറഞ്ഞ അദ്ദേഹം കോൺഗ്രസിനെ ഹൃദയത്തിൽ നിന്നിറക്കാൻ സമയമെടുക്കുമെന്നും വ്യക്തമാക്കി.
നിയമസഭാ തെരഞ്ഞെടുപ്പ് കാലത്ത് സീറ്റിൻ്റെ പേരിൽ എവി ഗോപിനാഥും പാര്ട്ടിയും തമ്മിൽ പരസ്യമായി ഇടഞ്ഞിരുന്നു. എന്നാൽ മത്സരിക്കാൻ സീറ്റ് നൽകിയില്ലെങ്കിലും ഡിസിസി അധ്യക്ഷപദവിയിലേയ്ക്ക് പരിഗണിക്കാമെന്നു പറഞ്ഞായിരുന്നു ഗോപിനാഥിനെ അനുനയിപ്പിച്ചത്. എന്നാൽ വിവാദമായ പുതിയ പട്ടിക പുറത്തു വന്നപ്പോൾ ഗോപിനാഥിനു പകരം എ തങ്കപ്പനെയാണ് പാര്ട്ടി ജില്ലാ അധ്യക്ഷനായി തെരഞ്ഞെടുത്തത്. ഇതോടെയാണ് അമര്ഷം പൊട്ടിത്തെറിയിലേയ്ക്ക് നീങ്ങിയത്.
വാര്ത്താ സമ്മേളനത്തിനു മുൻപു തന്നെ ഭാവി പരിപാടികള് നിശ്ചയിക്കാനായി ഗോപിനാഥ് അടുപ്പമുള്ള നേതാക്കളുമായി ചര്ച്ച നടത്തിയിരുന്നു. പെരിങ്ങോട്ടുകുറിശിലിലെ പതിനൊന്നോളം യുഡിഎഫ് നേതാക്കള് ഗോപിനാഥിനു പിന്തുണയറിയിച്ച് വീട്ടിലെത്തിയിരുന്നുവെന്നാണ് റിപ്പോര്ട്ടുകള്. ഗോപിനാഥിൻ്റെ നിലപാടിനെ പിന്തുണയ്ക്കുമെന്ന നയത്തിലാണ് പഞ്ചായത്തംഗങ്ങള് ഉള്പ്പെടെയുള്ളവര്.
അതേസമയം, കോൺഗ്രസിനുള്ളിലെ പ്രശ്നങ്ങളിൽ നേട്ടം കൊയ്യാനുള്ള ശ്രമത്തിലാണ് സിപിഎം. നിയമസഭാ തെരഞ്ഞെടുപ്പ് കാലത്തു തന്നെ എ വി ഗോപിനാഥ് സിപിഎമ്മിലെത്തിയേക്കുമെന്ന് റിപ്പോട്ടുകൾ വന്നിരുന്നു. ഗോപിനാഥ് പാര്ട്ടി വിട്ട സാഹചര്യത്തിൽ ഇതിനുള്ള ശ്രമവും ശക്തിപ്പെട്ടേക്കാം.
