കാബൂൾ > വിമാനത്താവളത്തിന് സമീപം അമേരിക്കയുടെ റോക്കറ്റ് ആക്രമണം. സ്ഫോടനത്തിൽ ഒരു കുട്ടിയടക്കം രണ്ടുപേർ മരിച്ചു. ഭീകരാക്രമണത്തിനെത്തിയ ചാവേറിന്റെ വാഹനത്തെ ലക്ഷ്യമിട്ടാണ് ആക്രമണം നടത്തിയതെന്നാണ് വിശദീകരണം. യുഎസ് ആക്രമണമാണ് നടന്നതെന്ന് താലിബാൻ വക്താവും അറിയിച്ചു.
നേരത്തെ നിരവധി പേരുടെ മരണത്തിന് ഇടയാക്കിയ ഇരട്ട സ്ഫോടനം കാബൂളില് നടന്നിരുന്നു. പിന്നാലെയാണ് യുഎസ് വ്യോമാക്രമണം. അഫ്ഗാനിസ്താനില് നിന്ന് യുഎസ് സൈന്യം പിന്വാങ്ങുന്നതിന്റെ സമയപരിധി അവസാനിക്കാനിരിക്കെയാണ് ആക്രണം.
