കൊച്ചി
രണ്ടാം സന്നാഹ മത്സരത്തിൽ കേരള ബ്ലാസ്റ്റേഴ്സിന് സമനില. കേരള യുണെെറ്റഡാണ് ബ്ലാസ്റ്റേഴ്സിനെ കുരുക്കിയത് (3–3). ആദ്യ കളിയിൽ യുണെെറ്റഡിനോട് തോറ്റിരുന്നു. വി എസ് ശ്രീക്കുട്ടൻ, സുഭാഘോഷ്, ആയുഷ് അധികാരി എന്നിവരാണ് ബ്ലാസ്റ്റേഴ്സിന്റെ ഗോൾ നേടിയത്. ബുജെെർ, ഷഫ്നാദ്, ആദർശ് എന്നിവർ യുണെെറ്റഡിനായി ലക്ഷ്യം കണ്ടു.
സെപ്തംബർ മൂന്നിന് ജമ്മു ആൻഡ് കശ്മീർ ബാങ്ക് എഫ്സിയുമായാണ് ബ്ലാസ്റ്റേഴ്സിന്റെ അടുത്ത കളി.
ഈ സീസണിൽ ടീമിലെത്തിച്ച വിദേശതാരങ്ങളായ അഡ്രിയാൻ ലൂണയും എനെസ് സിപോവിച്ചും പകരക്കാരായി കേരള ബ്ലാസ്റ്റേഴ്സിനായി അരങ്ങേറി.
