ന്യൂഡൽഹി
കോവിഡ് സുരക്ഷാനടപടിയുടെ ഭാഗമായി അന്തർസംസ്ഥാന യാത്രക്ക് വിലക്ക് ഏർപ്പെടുത്തരുതെന്ന് ആഭ്യന്തരമന്ത്രാലയം സംസ്ഥാനങ്ങളോട് നിര്ദേശിച്ചു. റോഡ്–-റെയിൽ–-ജല–-വ്യോമയാത്രയ്ക്ക് നിയന്ത്രണം പാടില്ല. ഏതെങ്കിലും സംസ്ഥാനത്ത് പ്രവേശിക്കാൻ ആർടി-പിസിആർ, റാപ്പിഡ് ടെസ്റ്റ് ഫലം കരുതണമെങ്കിൽ വിജ്ഞാപനത്തിലൂടെ പരസ്യപ്പെടുത്തണം. രണ്ട് ഡോസ് വാക്സിൻ എടുത്ത് 15 ദിവസം പിന്നിട്ടവരെ നിബന്ധനയിൽനിന്ന് ഒഴിവാക്കാം.
രോഗലക്ഷണങ്ങൾ കാണിക്കുന്നവരെ യാത്ര പുറപ്പെടുന്നിടത്ത് പരിശോധിക്കണം. രോഗവ്യാപനം ക്രമാതീതമായി ഉയർന്നാൽ സംസ്ഥാനങ്ങൾക്ക് ആവശ്യമായ നടപടി പ്രാദേശികതലത്തിൽ സ്വീകരിക്കാം.
