ടോക്യോ
പാരാലിമ്പിക്സ് ടേബിൾ ടെന്നീസിൽ ഇന്ത്യയുടെ ഭവിനാബെൻ പട്ടേൽ പ്രീ ക്വാർട്ടറിൽ കടന്നു. വനിതാ സിംഗിൾസിൽ ബ്രിട്ടന്റെ മെഗൻ ഷാക്കിൽടണെ 11–-7, 9–-11, 17–-15, 13–-11ന് തോൽപ്പിച്ചു. ആദ്യ കളി തോറ്റിരുന്നു.
സൊനാൽബെൻ പട്ടേൽ രണ്ടാംകളിയും തോറ്റ് പുറത്തായി. കൊറിയയുടെ ഗി യുലിയാണ് തോൽപ്പിച്ചത്. അത്ലറ്റിക്സ് മത്സരങ്ങൾ ഇന്ന് തുടങ്ങും. ഇന്ന് നടക്കുന്ന പവർലിഫ്റ്റിങ്, നീന്തൽ, അമ്പെയ്ത്ത് എന്നിവയിൽ ഇന്ത്യൻ താരങ്ങളുണ്ട്.
ഗെയിംസിന്റെ രണ്ടാംദിവസം ചൈന എട്ട് സ്വർണമടക്കം 23 മെഡലുമായി മുന്നിലാണ്. ബ്രിട്ടൻ ആറ് സ്വർണമടക്കം 16 മെഡലുമായി രണ്ടാമതുണ്ട്.
