അതേസമയം, ഹരിത വിഭാഗത്തിനെതിരായി സ്വീകരിച്ച വിവാദ നടപടികള്‍ പിൻവിക്കാനാണ് ലീഗിൻ്റെ തീരുമാനം. ഇന്നലെ രാത്രി ലീഗ് നേതൃത്വം ഇരുവിഭാഗങ്ങളുമായി നടത്തിയ ചര്‍ച്ചയിലായിരുന്നു വിഷയം ഒത്തുതീര്‍പ്പിലെത്തിയത്. ഹരിതയുടെ പ്രവര്‍ത്തനം മരവിപ്പിച്ച നടപടി പിൻവലിക്കാനും എംഎസ്എഫ് സംസ്ഥാന കമ്മിറ്റിയിലും ജില്ലാ കമ്മിറ്റികളും പ്രാതിനിധ്യം ഉറപ്പാക്കാനുമാണ് തീരുമാനം. ഇതിനായി എംഎസ്എഫ് ഭരണഘടനയിൽ ഭേദഗതി വരുത്തുമെന്നും ലീഗ് നേതൃത്വം വ്യക്തമാക്കി.
Also Read:
എംഎസ്എഫ് സംസ്ഥാന അധ്യക്ഷൻ പികെ നവാസ്, ഹരിത സംസ്ഥാന ഭാരവാഹികള്‍ എന്നിവരുമായി ഇന്നലെ മലപ്പുറത്തെ ലീഗ് ഓഫീസിൽ വെച്ചായിരുന്നു അനുരഞ്ജന ചര്‍ച്ചകള്‍. വിവാദ പരാമര്‍ശം നടത്തിയ എംഎസ്എഫ് നേതാക്കള്‍ക്കെതിരെ നടപടി സ്വീകരിക്കണമെന്ന് ഹരിത ഭാരവാഹികള്‍ ആവശ്യപ്പെട്ടു. എന്നാൽ നേതാക്കള്‍ക്കെതിരെ വനിതാ കമ്മീഷനിൽ നല്‍കിയ പരാതി പിൻവലിക്കാനായിരുന്നു ലീഗ് നേതൃത്വം ഹരിതയോട് ആവശ്യപ്പെട്ടത്. എന്നാൽ പരാതി പിൻവലിക്കാനാകില്ലെന്നാണ് ഹരിതയുടെ നിലപാട്.
Also Read:
എംഎസ്എഫ് സംസ്ഥാന നേതാക്കള്‍ ലൈംഗിക ചുവയോടെ അധിക്ഷേപ പരമാര്‍ശം നടത്തിയെന്ന ആരോപണമാണ് വിവാദമായത്. ഈ നേതാക്കളെ മാറ്റി നിര്‍ത്താൻ ലീഗ് തീരുമാനിച്ചിട്ടുണ്ട്. എംഎസ്എഫ് സംസ്ഥാന അധ്യക്ഷൻ പി കെ നവാസ്, മലപ്പുറം ജില്ലാ ജനറല്‍ സെക്രട്ടറി വി.അബ്ദുള്‍ വഹാബ്, ജില്ലാ പ്രസിഡന്റ് കബീര്‍ എന്നിവര്‍ക്കെതിരെയാണ് നടപടി.
