ആര്‍എസ്എസ്ന്റെ വളര്‍ച്ചയ്ക്ക് എന്നും വളം ഇട്ട് കൊടുത്ത മതേതരവാദി ബഹറിൽ പോയി നമസ്കരിച്ചാലും ആര്‍എസ്എസിനെ വിശ്വസിക്കരുതെന്ന് പറഞ്ഞ പിതാവിനെ തള്ളിയ നിങ്ങള്‍ക്ക് മാപ്പില്ലെന്നും ഭീഷണിക്കത്തിൽ പറയുന്നു.
ഫേസ്ബുക്ക് പോസ്റ്റ് ഉടൻ തന്നെ പിൻവലിക്കണമെന്നും താലിബാനെതിരെയുള്ള പോസ്റ്റ് ആയല്ല മുസ്ലീം വിരുദ്ധമായാണെന്നും. 24 മണിക്കൂറിനുള്ളിൽ പോസ്റ്റ് പിൻവലിച്ചില്ലെങ്കില്‍ നിന്നെയും കുടുംബത്തേയും തീര്‍പ്പ് കൽപ്പിക്കുമെന്നുമാണ് ഭീഷണിക്കത്തിൽ പറയുന്നത്.
പ്രവാചക വചനങ്ങള്‍ തിരസ്കരിക്കാൻ നടത്തുന്ന ശ്രമങ്ങളാണ്. പല ഘട്ടത്തിലും താൻ ഇത് ആവര്‍ത്തിച്ചു. നമ്മുടെ സ്ത്രീകള്‍ എങ്ങിനെ ജീവിക്കണമെന്ന് ഞങ്ങൾ തീരുമാനിക്കും നിന്റെ തീരുമാനങ്ങള്‍ നിന്റെ പുരയിൽ മതിയെന്നും ഭീഷണിയിൽ പറയുന്നു. ഈ കത്ത് കിട്ടി 24 മണിക്കൂറിനകം നീക്കം ചെയ്തില്ലെങ്കിൽ നിന്നെ മാത്രമല്ല നിന്റെ കുടുംബത്തേയും കൂടി തീര്‍പ്പ് കൽപ്പിക്കേണ്ടി വരും.
ശിവസേനയുടെ പരിപാടിയിൽ പങ്കെടുത്ത് നിലവിളക്ക് കൊളുത്തിയതും ശ്രീധരൻ പിള്ളയുടെ പുസ്തക പ്രകാശനം നടത്തിയതും കണക്കിൽ ഉൾപ്പെടുത്തിയിട്ടുണ്ട്. ജോസഫ് മാഷാകാൻ ശ്രമിക്കരുതെന്നും ജോസഫ് മാഷിന്റെ അവസ്ഥയുണ്ടാക്കരുതെന്നും കത്തിൽ പറയുന്നുണ്ട്.
ഇന്ന് രാവിലെയാണ് ഇത്തരത്തിൽ കത്ത് ലഭിച്ചിരിക്കുന്നത്. കോഴിക്കോട് മെഡിക്കൽ കോളേജിന് അടുത്ത പോസ്റ്റ് ചെയ്ത കത്ത് മുനീറിന് ലഭിച്ചത്. സംഭവവുമായി ബന്ധപ്പെട്ട് പോലീസിൽ പരാതി നൽകുമെന്നും മുനീര്‍ അറിയിച്ചു. താലിബാൻ ഒരു വിസ്മയം എന്ന പേരിലാണ് കത്ത് വന്നിരിക്കുന്നത്.
