Also Read :
ചൊവ്വാഴ്ച പുലര്‍ച്ചെയോടെ കൊച്ചി ചേന്ദമംഗലം വലിയ പഴമ്പിള്ളിത്തുരുത്തിലെ മാൻഗ്രൂവ് റിസോര്‍ട്ടിന് മുന്നിലാണ് സംഭവമുണ്ടായത്. കലൂര്‍ പള്ളിപ്പറമ്പിൽ ജോര്‍ജിന്റെ മകൻ ജിതിൻ ആണ് മരിച്ചത്.
പുലര്‍ച്ചെ ആറ് മണിക്ക് വന്ന പത്രവിതരണക്കാരനാണ് മൃതദേഹം ആദ്യം കണ്ടത്. രണ്ട് കുട്ടികള്‍ ഇയാള്‍ക്കൊപ്പം ഇരുന്ന് കരയുന്ന നിലയിലായിരുന്നു ഉണ്ടായിരുന്നത്. റിസോര്‍ട്ടിൽ ഇവര്‍ താമസിച്ച വീഡിന്റെ വാതിൽ തുറന്നുകിടക്കുകയായിരുന്നു. കോളിങ് ബെൽ അടിച്ചെങ്കിലും ആരും വരാത്തതിനെ തുടര്‍ന്ന് അടുത്തുള്ള ആളുകളെ വിവരമറിയിക്കുകയായിരുന്നു. പിന്നീട്, പോലീസ് എത്തിയ ശേഷമാണ് മൃതദേഹം ആശുപത്രിയിലേക്ക് മാറ്റിയത്.
ഗോവയിൽ ബിസിനസ് ചെയ്തിരുന്ന ജിതിൻ കൊവിഡ് പ്രതിസന്ധിയെ തുടര്‍ന്ന് നാട്ടിലേക്ക് എത്തുകയായിരുന്നു. റഷ്യൻ സ്വദേശിനിയായ ക്രിസ്റ്റീനയാണ് ഇയാളുടെ ഭാര്യ.
ജോലി സംബന്ധമായ ആവശ്യത്തിന് വേണ്ടി ബെംഗളൂരുവിലായിരുന്നു ക്രിസ്റ്റീന ഉണ്ടായിരുന്നത്. കാക്കനാട് താമസിച്ചിരുന്ന വാടക വീട്ടിൽ അറ്റകുറ്റ പണികള്‍ നടക്കുന്നതിനാൽ ജിതിൻ റിസോര്‍ട്ടിൽ താമസിക്കുകയായിരുന്നു.
പുലര്‍ച്ചെ രണ്ടരയോടെ ഇയാള്‍ മക്കൾക്കൊപ്പം വാതിൽ തുറന്ന് പുറത്തേക്ക് വരുന്നതിന്റെ സിസിടിവി ദൃശ്യങ്ങള്‍ പോലീസിന് ലഭിച്ചിട്ടുണ്ട്. ഹൃദയാഘാതമാണ് മരണകാരണം എന്നാണ് പ്രാഥമിക നിഗമനം എന്ന് പോലീസ് പറഞ്ഞു.
