തിരുവനന്തപുരം
തദ്ദേശഭരണ സ്ഥാപനങ്ങളിലെ ജനപ്രതിനിധികൾ, ഉദ്യോഗസ്ഥർ എന്നിവരുമായി തദ്ദേശഭരണമന്ത്രി എം വി ഗോവിന്ദൻ ആശയവിനിമയം നടത്തും. ബുധൻ, വ്യാഴം, വെള്ളി ദിവസങ്ങളിൽ ഓൺലൈനായാണ് യോഗങ്ങൾ. വകുപ്പിന്റെ പ്രവർത്തനങ്ങൾ അവലോകനം ചെയ്യുന്നതിനും ഭാവിപ്രവർത്തനങ്ങൾ വിശദീകരിക്കുന്നതിനുമാണ് പരിപാടിയെന്ന് മന്ത്രി എം വി ഗോവിന്ദൻ പറഞ്ഞു.
കാസർകോട്, കണ്ണൂർ, വയനാട് ജില്ലകളുടെ യോഗം ബുധനാഴ്ച പകൽ രണ്ടിനും കോഴിക്കോട്, മലപ്പുറം ജില്ലകളുടെ യോഗം വ്യാഴാഴ്ച പകൽ രണ്ടിനും പാലക്കാട്, തൃശൂർ, ഇടുക്കി ജില്ലകളുടെ യോഗം വ്യാഴാഴ്ച വൈകിട്ട് നാലിനുമാണ്. ആലപ്പുഴ, കൊല്ലം, തിരുവനന്തപുരം ജില്ലകളുടെ യോഗം വെള്ളിയാഴ്ച പകൽ രണ്ടിനും കോട്ടയം, എറണാകുളം, പത്തനംതിട്ട ജില്ലകളുടെ യോഗം വൈകിട്ട് നാലിനും ചേരും.
നഗരസഭകളിലെയും കോർപറേഷനുകളിലെയും മുഴുവൻ ജനപ്രതിനിധികൾ, സെക്രട്ടറിമാർ, എൻജിനിയർമാർ, വകുപ്പ് മേധാവികൾ എന്നിവരുടെ യോഗം ബുധനാഴ്ച വൈകിട്ട് നാലിന് നടക്കും. ഓൺലൈൻ യോഗത്തിനാവശ്യമായ സഹായങ്ങൾ കില ഏർപ്പെടുത്തും.
