തിരുവനന്തപുരം: സംസ്ഥാനത്തെ പുനഃസ്ഥാപിച്ചു. കഴിഞ്ഞ രണ്ട് ആഴ്ചയായി സംസ്ഥാനത്ത് ഞായറാഴ്ച ലോക്ക് ഡൗൺ ഉണ്ടായിരുന്നില്ല. സ്വാതന്ത്ര്യദിനം, ഓണം എന്നിവ പ്രമാണിച്ചാണ് ലോക്ക് ഡൗൺ ഒഴിവാക്കിയത്. ഇന്നു ചേ‍ര്‍ന്ന കൊവിഡ് അവലോകന യോഗത്തിലാണ് ഞായറാഴ്ച ലോക്ക് ഡൗൺ പുനഃസ്ഥാപിക്കാൻ തീരുമാനിച്ചത്.
നിലവിലുള്ള നിയന്ത്രണങ്ങൾ ക‍ര്‍ശനമായി നടപ്പാക്കാനാണ് തീരുമാനം. കൂടുതൽ നിയന്ത്രണങ്ങൾ ഏർപ്പെടുത്തില്ല. കടകൾക്കും പൊതു സ്ഥലങ്ങളിലും നൽകിയിരിക്കുന്ന ഇളവുകൾ തുടരും. നിലവിലുള്ള നിയന്ത്രണങ്ങൾ ലംഘിക്കപ്പെടുന്നില്ലെന്ന് ഉറപ്പാക്കാൻ ക‍ര്‍ശന പരിശോധന നടത്തും.
വരുന്ന ഞായറാഴ്ച മുതൽ തുട‍ര്‍ന്നുള്ള ഞായറാഴ്ചകളിൽ ലോക്ക് ഡൗൺ ആയിരിക്കും. നിലവിലുള്ള നിയന്ത്രണങ്ങൾ ക‍ര്‍ശനമായി നടപ്പാക്കി കൊവിഡ് വ്യാപനം നിയന്ത്രിക്കാനാണ് തീരുമാനം.
