ആര്‍സി ബ്രിഗേഡ് വാട്സ്ആപ്പ് ഗ്രൂപ്പുമായി ബന്ധമില്ല; വിശദീകരണവുമായി ചെന്നിത്തലയുടെ ഓഫീസ്

തിരുവനന്തപുരം: രമേശ് ചെന്നിത്തലയുടെ അറിവോടെയും സമ്മതത്തോടെയും ഒരു വാട്സ്ആപ്പ് ഗ്രൂപ്പും പ്രവർത്തിക്കുന്നില്ലെന്ന് രമേശ് ചെന്നിത്തലയുടെ ഓഫീസ്. ഡിസിസി അധ്യക്ഷന്മാരെ പ്രഖ്യാപിച്ച് കഴിഞ്ഞാലുടൻ പ്രതിഷേധം ഉയർത്താൻ ഒരുക്കം നടക്കുന്നെന്ന റിപ്പോർട്ടുകൾക്ക് പിന്നാലെയാണ് മുൻ പ്രതിപക്ഷ നേതാവിന്‍റെ ഓഫീസ് പ്രതികരണവുമായെത്തിയതത്.

ഇപ്പോൾ നടക്കുന്നത് ബോധപൂർവ്വം പ്രശ്നങ്ങൾ സൃഷ്ടിക്കാനുള്ള ചിലരുടെ ശ്രമം മാത്രമാണ്. എന്ന വാട്സ്ആപ്പ് ഗ്രൂപ്പുമായി രമേശ് ചെന്നിത്തലയ്ക്കോ അദ്ദേഹത്തിന്‍റെ ഓഫീസിനോ യാതൊരു ബന്ധവുമില്ലെന്നാണ് ഓഫീസ് അറിയിച്ചിരിക്കുന്നത്.

Also Read :
ആർസി ബ്രിഗേഡ് എന്ന വാട്സാപ്പ് ഗ്രൂപ്പിലൂടെ പ്രതിഷേധങ്ങൾക്ക് ആഹ്വാനം നടക്കുന്നെന്ന വാർത്താ രാവിലെ പുറത്ത് വന്നിരുന്നു. ഗ്രൂപ്പ് അഡ്മിൻമാർ ചെന്നിത്തലയുടെ വിശ്വസ്തരാണെന്നായിരുന്നു റിപ്പോർട്ട്. ഡിസിസി പട്ടിക ഇറങ്ങിയാൽ എ ഗ്രൂപ്പിനെയും ചേർത്ത് ശക്തമായ പ്രതിഷേധം നടത്തണമെന്നായിരുന്നു ഗ്രൂപ്പിലെ ആഹ്വാനം. ഇതിന്‍റെ സ്ക്രീൻ ഷോട്ടുകൾ ഉൾപ്പെടെ പുറത്ത് വന്നിരുന്നു. ഈ സാഹചര്യത്തിലാണ് ചെന്നിത്തലയുടെ ഓഫീസ് വിശദീകരണം നൽകിയിരിക്കുന്നത്.

Also Read :
പുതിയ പട്ടികക്കെതിരെ ഗ്രൂപ്പിന് അതീതമായി പ്രതിഷേധം സൃഷ്ടിക്കണമെന്നാണ് വാട്സ്ആപ്പ് ഗ്രൂപ്പിൽ ആഹ്വാനമുള്ളത്. ‘ഡിസിസി പ്രസിഡന്‍റകാന്‍ നിന്ന നേതാക്കളുടെ ഫാന്‍സിനെ ഇളക്കിവിടണം’, ഉമ്മൻചാണ്ടിയെ അനുകൂലിക്കുന്നവരുമായും ആശയവിനിമയം നടത്തി യോജിച്ച പോരാട്ടം നടത്തണമെന്നും ചിലർ ആവശ്യപ്പെടുന്നുണ്ട്.