തലശ്ശേരി > മുഖ്യമന്ത്രി പിണറായി വിജയന് നന്ദി പറഞ്ഞ് അഫ്ഗാനിൽനിന്നെത്തിയ തലശ്ശേരി സ്വദേശി ദീദിൽ രാജീവ്. നാട്ടിലെത്താൻ കഴിയുമെന്ന് വിചാരിച്ചിരുന്നില്ല. മുഖ്യമന്ത്രി നേരിട്ട് വിളിച്ച് ഇടപെട്ടു. മരണത്തിന്റെ വക്കിൽ നിന്നാണ് മടങ്ങിയെത്തുന്നത്. കേരള സർക്കാരിനും മുഖ്യമന്ത്രിയ്ക്കും നന്ദി രേഖപ്പെടുത്തുന്നതായി ദീദിൽ പറഞ്ഞു.
ദീദിൽ അടക്കമുള്ള 150 ഇന്ത്യക്കാരുമായി കാബൂൾവിമാനത്താവളത്തിലേക്ക് സഞ്ചരിച്ച 6 ബസുകൾ താലിബാൻ പിടിച്ചെടുത്തിരുന്നു. താലിബാന്റെ പിടിയിലായിരുന്ന ആറ് മണിക്കൂർ ജീവിതം അവസാനിച്ചെന്ന് കരുതിയതാണെന്ന് ദീദിൽ പറഞ്ഞു. കാബൂളിൽ നിന്ന് കഴിഞ്ഞ ദിവസമാണ് ദീദിൽ അടക്കമുള്ളവർ ഡൽഹിയിൽ എത്തിയത്. തുടർന്ന് പ്രത്യേക വിമാനത്തിൽ ഗോവ വഴി ഇന്ന് ഉച്ചയോടെയാണ് ദീദിൽ കണ്ണൂർ വിമാനത്താവളത്തിൽ എത്തിയത്.
