മലയാള ഭാഷാ പിതാവ് തുഞ്ചത്തെഴുത്തച്ഛന്റെ ജീവചരിത്രം സിനിമയാവുന്നു. ‘തുഞ്ചത്ത് രാമാനുജന് എഴുത്തച്ഛന്’ എന്ന് പേരിട്ടിരിക്കുന്ന ചിത്രം കഥയെഴുതി സംവിധാനം ചെയ്യുന്നത് സജിന്ലാണ്. ചിത്രത്തിന്റെ ടൈറ്റില് പോസ്റ്റര് റിലീസ് ചെയ്തു. മലയാളത്തിലെ പ്രമുഖരായ ഇരുപതോളം പേരുടെ സോഷ്യല് മീഡിയ പേജുകളിലൂടെയാണ് പോസ്റ്റര് റിലീസ് ചെയ്തത്.
പൂര്ണമായും സംഗീതത്തിന് പ്രാധാന്യം നല്കിക്കൊണ്ടാണ് തുഞ്ചത്ത് രാമാനുജന് എഴുത്തച്ഛന് ഒരുക്കുന്നത്. അടുത്ത വര്ഷം ജനുവരിയിലാണ് ചിത്രീകരണം ആരംഭിക്കുക.
അഭിനേതാക്കളെയും മറ്റ് അണിയറ പ്രവര്ത്തകരെയും കുറിച്ച് പിന്നീട് അറിയിക്കുമെന്ന് സംവിധായകന് സജിന്ലാല് അറിയിച്ചു. ക്രയോണ്സ്, താങ്ക് യു വെരിമച്ച്, ഹന്ന തുടങ്ങിയ ചിത്രങ്ങള്ക്കു ശേഷമാണ് സജിന്ലാല് പുതിയ സിനിമയുമായി എത്തുന്നത്. ആപ്പിള് ട്രീ സിനിമാസിന്റെ ബാനറിലാണ് ചിത്രം നിര്മിക്കുന്നത്.
എഴുത്തച്ഛനൊപ്പം അതിജീവത്തിന്റെ പെണ്കരുത്തായ ഫുലാന്ദേവിയുടെ കഥയും സജിന്ലാലിന്റെ സംവിധാനത്തില് ഒരുങ്ങുന്നുണ്ട്.
