‘ “സ്ഥലത്തില്ല”എന്ന് പറഞ്ഞിരുന്നെങ്കിൽ അത്‌ മാന്യത.. “ഫോൺ ഓഫ്‌ ചെയ്ത്‌ നിലമ്പൂരിൽ നിന്ന് മുങ്ങി”എന്ന് പറഞ്ഞാൽ അതിന്‍റെ മറുപടി ഇനിയും ഇത്‌ തന്നെയേ കിട്ടൂ.. ‘ പിവി അൻവർ ഫേസ്ബുക്ക് പോസ്റ്റിലൂടെ പറഞ്ഞു. കഴിഞ്ഞദിവസമായിരുന്നു എംഎൽഎ നിലമ്പൂരിൽ നിന്ന് മുങ്ങിയെന്ന് ഒരു ചാനൽ റിപ്പോർട്ട് ചെയ്തത്. ഈ വാർത്ത നൽകിയ റിപ്പോർട്ടർക്കെതിരെ രൂക്ഷ വിമർശനമായിരുന്നു അൻവർ നടത്തിയത്.
Also Read :
ഫേസ്ബുക്ക് പോസ്റ്റിലൂടെ എംഎൽഎ നടത്തിയ വിമർശനത്തിനെതിരെ രംഗത്ത് വന്ന കെ മുരളീധരൻ അന്‍വറിന്‍റെ മോശം പ്രതികരണത്തില്‍ മുഖ്യമന്ത്രി മറുപടിപറയണമെന്നും ജനങ്ങളോട് എംഎല്‍എയെകൊണ്ട് മാപ്പ് പറയിപ്പിക്കണമെന്നും ആവശ്യപ്പെട്ടിരുന്നു. ഇതിന് പിന്നാലെയാണ് ഏത് മാപ്പാണ് വേണ്ടതെന്ന ചോദ്യവുമായി രംഗത്തെത്തിയത്.
പശ്ചിമാഫ്രിക്കൻ രാജ്യമായ സിയേറ ലിയോണിലാണ് താൻ ഉള്ളതെന്ന് പിവി അൻവര്‍ നേരത്തെ വെളിപ്പെടുത്തിയിരുന്നു. തനിക്ക് പാര്‍ട്ടി മൂന്ന് മാസത്തെ അവധി നല്‍കിയിട്ടുണ്ടെന്നു പാര്‍ട്ടിയുടെ അനുമതിയോടു കൂടിയാണ് വിദേശത്തേയ്ക്ക് വന്നതെന്നുമാണ് അൻവര്‍ പറയുന്നത്. സാമ്പത്തിക പ്രതിസന്ധി മൂലം നാട്ടിൽ നിൽക്കാൻ കഴിയാത്ത സാഹചര്യമുണ്ടെന്നും എംഎൽഎ പറയുന്നു.
