പാരിസ്
പിഎസ്ജിയിലെ ലയണൽ മെസിയുടെ അരങ്ങേറ്റം വെെകിയേക്കും. വെള്ളിയാഴ്ച നടക്കുന്ന മത്സരത്തിൽ മെസി കളിച്ചേക്കില്ല. ബ്രെസ്റ്റുമായാണ് പിഎസ്ജിയുടെ കളി. ഫ്രഞ്ച് ലീഗ് പുതിയ സീസണിൽ പിഎസ്ജിയുടെ മൂന്നാംമത്സരമാണിത്. ആദ്യ രണ്ടു കളിയും ജയിച്ചിരുന്നു.
മെസി പരിശീലനം തുടരുകയാണ്. ഈമാസം 29ന് റെയിംസിനെതിരായ കളിയിൽ മുപ്പത്തിമൂന്നുകാരൻ കളിച്ചേക്കുമെന്നാണ് സൂചന. കഴിഞ്ഞദിവസം സഹതാരങ്ങളായ നെയ്മർ, കിലിയൻ എംബാപ്പെ, ഏയ്ഞ്ചൽ ഡി മരിയ എന്നിവർക്കൊപ്പം മെസി പരിശീലനം നടത്തിയിരുന്നു.
