ഇതിനൊപ്പം ഒപ്പം ജെആര്‍എഫ് കൈപ്പറ്റുന്നയാള്‍ വരുമാനമുള്ള മറ്റൊരു ജോലിയും ചെയ്യരുതെന്ന സത്യവാങ്മൂലത്തില്‍ ഒപ്പിട്ടുനല്‍കുകയും വേണമെന്നും ഫേസ്ബുക്കിൽ കുറിക്കുന്നു. ചിന്ത ജെറോം നിയമവിരുദ്ധമായ രീതിയിലാണു മാസം 35,000 – 48,000 രൂപയ്ക്കടുത്ത് യു ജി സിയില്‍ നിന്ന് കഴിഞ്ഞ അഞ്ചുവര്‍ഷം കൈപ്പറ്റിയിരുന്നതെന്നും കുറിപ്പിൽ പ്രചരിക്കുന്നു.
ഒന്നുകില്‍ ചിന്ത ജോലികള്‍ ഒന്നും ചെയ്തിരുന്നില്ല, ശമ്പളം വാങ്ങിയിരുന്നില്ല എന്നു തെളിയിയ്ക്കണം. അല്ലെങ്കില്‍ ഇപ്പോള്‍ ലഭിച്ച പി എച്ച് ഡി രാഷ്ട്രീയസ്വാധീനം വഴി കേരളാസര്‍വ്വകാലാശാലയില്‍ നിന്ന് ഒപ്പിച്ചതാണെന്ന് കരുതണം. അല്ലെങ്കില്‍ സര്‍ക്കാരില്‍ നിന്ന് വരുമാനം കിട്ടിയപ്പോള്‍ പി എച്ച് ഡി പാര്‍ട്ട് ടൈം ആക്കിയെന്നും ജെ ആര്‍ എഫ് നേടിയിരുന്നില്ല എന്നും തെളിയിയ്ക്കണമെന്നും സമൂഹമാധ്യമങ്ങളി‍ൽ ആരോപിക്കുന്നു.
ഇതൊന്നുമല്ലെങ്കില്‍ താങ്കളെ സ്‌പെഷ്യല്‍ സ്റ്റുഡന്റ് ആയി യു ജി സി പരിഗണിച്ച് നിയമങ്ങള്‍ മുഴുവന്‍ ഇളവ് ചെയ്തു എന്ന് കരുതണം. പ്രോട്ടോക്കോള്‍ തെറ്റിച്ച് കൊവിഡ് വാക്‌സിനെടുത്തതുപോലെ നിസ്സാരപ്രശ്‌നമല്ല മാഡാം. വിശദീകരിച്ചേ മതിയാവൂ.
അതേസമയം, വിവാദങ്ങള്‍ക്ക് എതിരെ മറുപടിയും ഉയരുന്നുണ്ട്. യുവജനകമ്മീഷന്‍ അധ്യക്ഷ സ്ഥാനത്ത് എത്തിയ ശേഷം ചിന്ത ജെറോം പിഎച്ച്ഡി പാര്‍ട്ട് ടൈം ആക്കുകയും ജെആര്‍എഫോ, എസ്ആര്‍എഫോ ക്ലെയിം ചെയ്തിട്ടില്ലെന്നും മറുവാദവും ഉയരുന്നുണ്ട്.
