കൊൽക്കത്ത
ഇന്ത്യൻ ഫ-ുട്ബോൾ ടീം താരം സന്ദേശ് ജിങ്കൻ ക്രൊയേഷ്യൻ ലീഗിലേക്ക്. എച്ച്എൻകെ സിബെനിക്ക് ക്ലബ്ബുമായി ജിങ്കൻ കരാറിലായി. ഐഎസ്എൽ വമ്പൻമാരായ എടികെ മോഹൻ ബഗാന്റെ താരമായിരുന്നു ഈ സെന്റർ ബാക്ക്. ടീമിന്റെ ക്യാപ്റ്റൻമാരിലൊരാളായിരുന്നു. ഇന്ത്യൻ ഫുട്ബോൾ ഫെഡറേഷന്റെ ഈവർഷത്തെ മികച്ച താരമായും ഇരുപത്തെട്ടുകാരനെ തെരഞ്ഞെടുത്തു.
ഇന്ത്യക്കുവേണ്ടി 40 മത്സരങ്ങൾ കളിച്ചിട്ടുണ്ട്. ഐഎസ്എലിൽ കേരള ബ്ലാസ്റ്റേഴ്സിനായി ആറ് സീസണിൽ ഇറങ്ങി. സിബെനിക്ക് ക്രൊയേഷ്യൻ ലീഗിൽ എട്ടാമതാണ്. 10 ടീമുകളാണ് ലീഗിൽ. അഞ്ചു മത്സരങ്ങൾ അവസാനിച്ചു.
