തിരുവനന്തപുരം: അധ്യാപകൻ കോളജ് ഗ്രൗണ്ടിൽ തീകൊളുത്തി ആത്മഹത്യചെയ്ത നിലയിൽ. സുനിൽ കുമാർ എന്ന അധ്യാപകനാണ് മരിച്ചത്. തിരുവനന്തപുരം ലോ അക്കാഡമി അധ്യാപകനാണ്. സുനിൽ കുമാറിനെ ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല.
ആത്മഹത്യയുടെ കാരണം വ്യക്തമല്ല. ഇന്ന് രാവിലെയും കോളേജിലെ പരിപാടികളിൽ സജീവമായിരുന്നു സുനിൽ കുമാറെന്നാണ് സഹപ്രവർത്തകർ പറയുന്നത്. ഉച്ചയോടെയാണ് തീ കൊളുത്തി ആത്മഹത്യ ചെയ്ത നിലയിൽ കണ്ടെത്തിയത്.
സമീപത്തുനിന്ന് പെട്രോൾ കുപ്പി കണ്ടെടുത്തിട്ടുണ്ട്. കോളേജിൽ ജോലിക്കെത്തിയ ഇതര സംസ്ഥാന തൊഴിലാളികളാണ് തീ നാളങ്ങൾ കണ്ട് മറ്റുള്ളവരെ വിവരമറിയിച്ചത്.തിരുവനന്തപുരം വഴയില സ്വദേശിയായ സുനിൽകുമാർ പത്ത് വർഷത്തോളമായി ഇവിടെ ജോലി ചെയ്യുന്നുണ്ട്.
കഴിഞ്ഞ ദിവസം സാമൂഹിക മാധ്യമങ്ങളിൽ സുനിൽകുമാർ മരണത്തെ സൂചിപ്പിച്ചുകൊണ്ടുള്ള പോസ്റ്റുകൾ ഇട്ടിരുന്നതായും പറയുന്നുണ്ട്. ഇക്കാര്യങ്ങളടക്കം പോലീസ് അന്വേഷിച്ചുവരികയാണ്.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. Toll free helpline number: 1056)
