കോഴിക്കോട്: സ്വർണ്ണക്കടത്തിൽ വീണ്ടും തട്ടിക്കൊണ്ടുപോകൽ. കൊയിലാണ്ടി സ്വദേശിയായ പ്രവാസിയെ തട്ടിക്കൊണ്ടുപോയി. ഹനീഫ എന്നയാളെയാണ് തട്ടിക്കൊണ്ടുപോയത്. കൊടുവള്ളിയിൽ നിന്നുള്ള സ്വർണ്ണക്കടത്ത് സംഘമാണ് ഇതിന് പിന്നിലെന്നാണ് വിവരം.
ഇന്നലെ അർധരാത്രിക്ക് ശേഷമാണ് സംഭവമുണ്ടായത്. രാത്രി ഒരുമണിയോടെ സംഭവമുണ്ടായി എന്നാണ് പോലീസ് നൽകുന്ന വിവരം. കാറിലെത്തിയ സംഘമാണ് തട്ടിക്കൊണ്ടു പോയത്. ഹനീഫ വിദേശത്ത് നിന്ന് എത്തിയിട്ട് കുറച്ചുനാളായി.
ഹനീഫയുടെ സഹോദരൻ അലി ഇത് സംബന്ധിച്ച് പോലീസിൽ പരാതി നൽകിയിട്ടുണ്ട്. പോലീസ് അന്വേഷണം ആരംഭിച്ചിട്ടുണ്ട്. സ്വർണ്ണടത്ത് സംഘവുമായി ബന്ധമുള്ള തട്ടിക്കൊണ്ടുപോകലിന്റെ തുടർച്ചയായാണ് പോലിസും നാട്ടുകാരും ഇതിനെ വിലയിരുത്തുന്നത്.
Content Highlights: Expat kidnapped in Koyilandy
