ബെൻസെമ മിന്നി

മാഡ്രിഡ്
പുതിയ സീസണിലും കരിം ബെൻസെമയുടെ ഗോളടി മികവ് തുടർന്നു. സ്പാനിഷ് ലീഗ് ഫുട്ബോൾ ആദ്യ മത്സരത്തിൽ റയൽ മാഡ്രിഡിന് ബെൻസെമ തകർപ്പൻ ജയമൊരുക്കി. അലാവെസിനെ 4–1ന് തകർത്തപ്പോൾ രണ്ട് ഗോൾ ബെൻസെമയുടെ വകയായിരുന്നു. കാർലോ ആൻസെലോട്ടിക്കുകീഴിൽ ഇറങ്ങിയ റയലിന് കളിയുടെ ആദ്യഘട്ടത്തിൽ താളം കണ്ടെത്താനായില്ല. രണ്ടാംപകുതിയിൽ ബെൻസെമ കളി പിടിച്ചു. നാച്ചോയും വിനീഷ്യസ് ജൂനിയറും മറ്റ് ഗോൾ നേടി.