വെള്ളപ്പൊക്കം: തുർക്കിയിൽ മരണം 27

അങ്കാര
തുർക്കിയിൽ വെള്ളപ്പൊക്കത്തിലും മണ്ണിടിച്ചിലിലും മരിച്ചവരുടെ എണ്ണം 27 ആയി. 10 മൃതദേഹംകൂടി കഴിഞ്ഞ ദിവസം കണ്ടെത്തിയതോടെയാണിത്. ബാർട്ടിൻ, കാസ്തമോനു, സിനോപ്, സാംസൻ എന്നീ പ്രദേശങ്ങളിലെ വീടുകളും പാലങ്ങളും തകർന്നു. ആളുകളെ ഹെലികോപ്ടറിൽ രക്ഷപ്പെടുത്തി. ബാർട്ടിനിൽ എൺപതുകാരിയെ കാണാതായിട്ടുണ്ട്. രക്ഷാപ്രവർത്തനം തുടരുകയാണ്.