തിരുവനന്തപുരം> ആറ്റിങ്ങലില് വഴിയരികില് കച്ചവടത്തിനെത്തിച്ച മീന് നശിപ്പിച്ച സംഭവത്തില് തെറ്റുകാര്ക്കെതിരെ നടപടിയെടുക്കുമെന്ന് മന്ത്രി വി ശിവന്കുട്ടി അറിയിച്ചു. അതിക്രമത്തിനിരയായ അല്ഫോന്സിയയെ ശനിയാഴ്ച അഞ്ചുതെങ്ങിലെ വീട്ടിലെത്തി സന്ദര്ശിക്കും. നിലവിലുള്ള നിയമമനുസരിച്ച് നോട്ടീസ് നല്കിമാത്രമേ ഇത്തരം കച്ചവടക്കാരെ ഒഴിപ്പിക്കാവൂ.
വിഷയത്തില് ഉദ്യോഗസ്ഥര് നിയമം പാലിച്ചിട്ടുണ്ടോയെന്ന് പരിശോധിക്കും. പിടിച്ചെടുത്ത മീന് ലേലംചെയ്യാതെ നശിപ്പിച്ചത് നിയമവിരുദ്ധമാണെന്നും മന്ത്രി പറഞ്ഞു.
