കൊല്ലം/കാഞ്ഞങ്ങാട് > കൊല്ലം – ചെങ്കോട്ടപാത ദേശീയപാതയില് കാറും ബൈക്കും കൂട്ടിയിടിച്ചുണ്ടായ അപകടത്തില് കാഞ്ഞങ്ങാട് സ്വദേശിനി ഉള്പ്പെടെ രണ്ട് എഞ്ചിനീയറിങ് വിദ്യാര്ഥികള് മരിച്ചു.
ദുബായില് എൻജിനിയറായ കാഞ്ഞങ്ങാട് അലാമിപ്പള്ളിയിലെ അജയകുമാറിന്റെയും പരേതയായ ഷീബയുടേയും മകള് ചൈതന്യ (20), സഹപാഠി കുണ്ടറ കേരളപുരം മണ്ഡപം ജങ്ഷനിലെ ബി എന് ഗോവിന്ദ് (20) എന്നിവരാണ് മരിച്ചത്. ഇരുവരും തിരുവനന്തപുരം സിഇടി എൻജിനിയറിങ് കോളേജിലെ വിദ്യാര്ഥികളാണ്.
പരീക്ഷ കഴിഞ്ഞ് അഞ്ച് ബൈക്കുകളിലായി പത്തംഗ സംഘം തെന്മലയിലേക്ക് വിനോദ യാത്ര പുറപ്പെട്ടതായിരുന്നു. തിരിച്ചുവരുന്നതിനിടെയാണ് കാറും ഇരുവരും സഞ്ചരിച്ച ബുള്ളറ്റും കൂട്ടിയിടിച്ചത്. ഇന്നലെ രാത്രിയായിരുന്നു അപകടം. ദുബായിലുണ്ടായിരുന്ന ചൈതന്യ പരീക്ഷയെ തുടര്ന്നാണ് നാട്ടിലെത്തിയത്. സിപിഐ എം നേതാവും ദേശാഭിമാനി ലേഖകനുമായിരുന്ന പരേതനായ ടി കുഞ്ഞിരാമന് മാസ്റ്ററുടെ പേരമകളാണ് ചൈതന്യ.
