ലണ്ടൻ
ഇംഗ്ലീഷ് പ്രീമിയർ ലീഗ് ഫുട്ബോളിന് ഇന്ന് കിക്കോഫ്. അഴ്സണലും പുതുതായി ഇടംപിടിച്ച ബ്രെന്റ്ഫോർഡുമായാണ് ആദ്യകളി. രാത്രി 12.30നാണ് മത്സരം. മാഞ്ചസ്റ്റർ സിറ്റിയാണ് നിലവിലെ ലീഗ് ജേതാക്കൾ. സിറ്റിക്കുപുറമെ ലിവർപൂൾ, മാഞ്ചസ്റ്റർ യുണെെറ്റഡ്, ചെൽസി ടീമുകളാണ് കിരീടപ്പോരിൽ മുന്നിലുള്ളത്. ബ്രെന്റ്ഫോർഡിനെ കൂടാതെ വാറ്റ്ഫോർഡും നോർവിച്ചുമാണ് ഇത്തവണ ലീഗിലേക്ക് സ്ഥാനക്കയറ്റം കിട്ടി എത്തുന്നത്.
ഞായറാഴ്ച ടോട്ടനം ഹോട്സ്പറുമായാണ് സിറ്റിയുടെ ആദ്യകളി. ലിവർപൂൾ നാളെ നോർവിച്ച് സിറ്റിയെയും മാഞ്ചസ്റ്റർ യുണെെറ്റഡ് ലീഡ്സ് യുണെെറ്റഡിനെയും നേരിടും. ചെൽസിക്ക് ക്രിസ്റ്റൽ പാലസാണ് ആദ്യ എതിരാളി.
