കൊച്ചി: സ്വര്ണക്കടകളുടെ പരസ്യങ്ങളില് നിന്നും വധുവിന്റെ ചിത്രം ഒഴിവാക്കണമെന്ന അഭ്യര്ത്ഥനയുമായി ഗവര്ണര് ആരിഫ് മുഹമ്മദ് ഖാൻ. പരസ്യങ്ങള് പൊതുജനങ്ങളെ സ്വാധീനിക്കുന്ന ഒന്നാണ്. സ്വര്ണാഭരണങ്ങള് വധുവുമായി മാത്രം ബന്ധപപ്പെടുത്തരുതെന്നും അദ്ദേഹം പറഞ്ഞു. കൊച്ചി കുഫോസിലെ വിദ്യാര്ഥികളുടെ ബിരുദ ദാന ചടങ്ങില് പങ്കെടുത്ത് സംസാരിക്കുകയായിരുന്നു ഗവര്ണര്.
Also Read :
സ്വര്ണക്കടകളുടെ പരസ്യങ്ങളില് കുട്ടികളുടേയും വീട്ടമ്മമാരുടേയും ചിത്രങ്ങള് ഉപയോഗിക്കാമെന്നും ഗവര്ണര് പറഞ്ഞു. നവവധു ആഭരണമണിഞ്ഞ് നിൽക്കുന്ന ചിത്രങ്ങളാണ് ഒട്ടുമിക്ക ജ്വലറികളും പരസ്യങ്ങളില് ഉപയോഗിക്കുന്നത്. ഇതിന് മാറ്റമുണ്ടാവണമെന്നും ഗവര്ണര് പറഞ്ഞു.
സ്ത്രീധനത്തെക്കുറിച്ച് അവബോധമുണ്ടാക്കാൻ ഈ മാറ്റത്തിലൂടെ സാധിക്കുമെന്നും ഗവര്ണര് അഭിപ്രായപ്പെട്ടു. ചടങ്ങിൽ പങ്കെടുത്ത വിദ്യാര്ത്ഥികള് സ്ത്രീധനം വാങ്ങില്ലെന്ന് സത്യവാങ്മൂലം ഗവര്ണര്ക്ക് കൈമാറി.
Also Read :
ഇതാദ്യമായല്ല ഗവര്ണര് സ്ത്രീധനത്തിനെതിരെ പ്രതികരണങ്ങള് നടത്തുന്നത്. നേരത്തെ സ്ത്രീധനത്തിനെതിരെ ബോധവത്കരണത്തിന്റെ ഭാഗമായി ഗവര്ണർ ഉപവാസത്തിലും പങ്കെടുത്തിരുന്നു. അടുത്തിടെ മരിച്ച വിസ്മയയുടെ വീട്ടില് സന്ദര്ശനം നടത്തുകയും ചെയ്തിരുന്നു.
