ഹിമാചലിൽ വൻ മണ്ണിടിച്ചിൽ; 2 മരണം

ഷിംല > ഹിമാചൽപ്രദേശിലെ കിന്നൗർ ജില്ലയിൽ ഉച്ചയ്ക്ക് 12.45നുണ്ടായ മണ്ണിടിച്ചിലിൽ 2 പേർ മരിച്ചു. ഷിംല–റോക്കിങ് പിയോ ദേശീയ പാതയിലുണ്ടായ അപകടത്തിൽ 50 ൽ അധികം പേരെ കാണാതായി. എച്ച്ആർടിസി ബസും ലോറിയുമടക്കം നിരവധി വാഹനങ്ങൾ മണ്ണിനടിയിലായതായാണ് സൂചന. കിന്നൗറിൽ നിന്ന് ഹരിദ്വാറിലേക്ക് പോയ ബസാണ് അപകടത്തിൽ പെട്ടത്. റോഡിലേക്ക് വലിയ പറക്കല്ലുകൾ വീഴുകയായിരുന്നു. ഇന്തോ–ടിബറ്റൻ ബോർഡർ പൊലീസിന്റെ നേതൃത്വത്തിൽ രക്ഷപ്രവർത്തനം പുരോഗമിക്കുകയാണ്.