കൊച്ചിയിൽ വെച്ച് നടിയെ തട്ടിക്കൊണ്ടു പോയി ആക്രമിക്കുകയും ചിത്രങ്ങള് പകര്ത്തുകയും ചെയ്ത കേസിലാണ് കൂറുമാറ്റം. കേസിലെ 34-ാം സാക്ഷിയാണ് കാവ്യാ മാധവൻ. ഇന്നലെ വിചാരണക്കോടതിയിൽ പ്രോസിക്യൂഷൻ വിസ്താരത്തിൻ്റെ സമയത്ത് കാവ്യ കൂറുമാറിയെന്നും തുടര്ന്ന് കാവ്യയെ ക്രോസ് വിസ്താരം ചെയ്യാൻ പ്രോസിക്യൂഷൻ കോടതിയുടെ അനുമതി തേടിയെന്നുമാണ് മനോരമ റിപ്പോര്ട്ട്. തുടര്ന്ന് ഒരു മണിക്കൂറോളം കാവ്യയെ ക്രോസ് വിസ്താരം ചെയ്യുകയായിരുന്നു. നടപടികള് ഇന്നും തുടരുമെന്നും റിപ്പോര്ട്ടിൽ പറയുന്നു.
Also Read:
ആക്രമിക്കപ്പെട്ട നടിയുമായി ദിലീപിനു ശത്രുതയുണ്ടെന്ന വാദം സ്ഥിരീകരിക്കാനാണ് കാവ്യാ മാധവനെയും സാക്ഷിയായി ഉള്പ്പെടുത്തിയിട്ടുള്ളത്. താരങ്ങളുടെ സംഘടനയായ അമ്മയുടെ സ്റ്റേജ് ഷോയുടെ റിഹേഴ്സലിനിടെ കേസിലെ ഇരയായ നടിയും ദിലീപും തമ്മിൽ വാക്കുതര്ക്കമുണ്ടായിരുന്നുവെന്നാണ് കേസുമായി ബന്ധപ്പെട്ട രേഖകള് പറയുന്നത്. ഈ സമയത്ത് സ്ഥലത്ത് കാവ്യാ മാധവനും ഉണ്ടായിരുന്നുവെന്ന് മൊഴി ലഭിച്ചിട്ടുണ്ട്. ഇതോടെ കാവ്യാ മാധവനെയും വിസ്തകരിക്കാൻ പ്രോസിക്യൂഷൻ തീരുമാനിക്കുകയായിരുന്നു. കേസിലെ എട്ടാം പ്രതിയാണ് നടൻ ദിലീപ്.
Also Read:
കേസിലെ മുഖ്യപ്രതിയായ പള്സര് സുനി പോലീസിൽ കീഴടങ്ങുന്നതിനു മുൻപ് കാവ്യയുടെ നിയന്ത്രണത്തിലുള്ള ലക്ഷ്യ എന്ന സ്ഥാപനത്തിലെത്തിയിരുന്നതായും മൊഴിയുണ്ട്.
