കൊച്ചി: നടിയെ ആക്രമിച്ച കേസിൽ ചലച്ചിത്രതാരം കാവ്യാമാധവനെ ഇന്ന് വിസ്തരിക്കും. കൊച്ചിയിലെ പ്രത്യേക സി.ബി.ഐ കോടതിയിൽ കാവ്യ ഇന്ന് ഹാജരാകും. 350 ഓളം സാക്ഷികളുള്ള കേസിൽ ഇതുവരെ 176 പേരെ വിസ്തരിച്ചു.
ആറുമാസത്തിനകം കേസിൽ വിചാരണ പൂർത്തിയാക്കണമെന്ന് സുപ്രീംകോടതി വിചാരണ കോടതിക്ക് നിർദ്ദേശം നൽകിയിരുന്നു. ഈ കാലാവധി അടുത്തമാസം അവസാനിക്കാനിരിക്കെ വിചാരണയ്ക്ക് കൂടുതൽ സമയം വേണമെന്ന് കാണിച്ച് ആറുമാസം കൂടി സമയം നീട്ടി നൽകാൻ വിചാരണ കോടതി ആവശ്യപ്പെട്ടിട്ടുണ്ട്.
കോവിഡിനെ തുടർന്ന് കോടതി നടപടികൾ തടസപ്പെട്ടെന്നും മേയിൽ ആഴ്ചകളോളം കോടതി അടച്ചിടേണ്ടി വന്നെന്നും വിചാരണ നടപടികൾ പ്രതീക്ഷിച്ച വേഗത്തിൽ മുന്നോച്ചുപോയില്ലെന്നും കാണിച്ചാണ് വിചാരണ കോടതി സുപ്രിം കോടതിക്ക് കത്തയച്ചിരിക്കുന്നത്.
Content Highlights:Actor rape case kavya madhavan to face trial today
