കണ്ണൂർ: സ്വർണ്ണക്കടത്ത് കേസ് പ്രതി അർജ്ജുൻ ആയങ്കിയുടെ സുഹൃത്ത് റമീസ് ബൈക്ക് അപകടത്തിൽ മരണപ്പെടാനിടയാക്കിയ സംഭവത്തിൽ കാർ ഓടിച്ചിരുന്ന യുവാവ് രക്തം ഛർദ്ദിച്ച് മരിച്ചു. കണ്ണൂർ തളാപ്പ് സ്വദേശി അശ്വിൻ പിവിയാണ് മരിച്ചത്.
അഴീക്കോടുണ്ടായ അപകടത്തിലാണ് റമീസ് മരണപ്പെട്ടത്. സ്വർണ്ണക്കടത്ത് കേസിൽ റമീസിനെ നേരത്തെ ചോദ്യംചെയ്തു വിട്ടയച്ചിരുന്നു. ഇതിനു ശേഷം കസ്റ്റംസ് ഓഫീസിൽ നേരിട്ട് ഹാജരാകാൻ ഇരിക്കെയായിരുന്നു മരണം. റമീസിന്റെ മരണത്തിൽ ദുരൂഹതയില്ലെന്നാണ് പോലീസ് വ്യക്തമാക്കിയിരുന്നത്.
രക്തം ഛർദ്ദിച്ചതിനെത്തുടർന്ന് അശ്വിനെ ആശുപത്രിയിൽ പ്രവേശിപ്പിച്ചിരുന്നു. രാവിലെയാണ് മരണപ്പെട്ടത്. ആന്തരിക രക്തസ്രാവമാണ് മരണത്തിന് ഇടയാക്കിയതെന്ന് ഡോക്ടർമാർ പറഞ്ഞു.
