Also Read:
കണ്ണൂര്‍ സ്വദേശിനിയായ മാനസയെ ഇന്നലെയാണ് തലശേരി സ്വദേശിയായ രാഖിൽ വെടിവെച്ച് കൊന്നത്. മനസയെ കൊല്ലുന്നതിനായി 7.62 പിസ്റ്റലാണ് രാഖിൽ ഉപയോഗിച്ചത്. ഏഴ് റൗണ്ട് വെടിയുതി‍ര്‍ക്കാൻ ശേഷിയുള്ള തോക്കിൽ നിന്നും മാനസയ്ക്ക് രണ്ട് തവണ വെടിയേറ്റു. പിന്നാലെ രാഖിൽ സ്വയം നിറയൊഴിച്ച് ആത്മഹത്യ ചെയ്തു.
മാനസ അവഗണിച്ചതിനാൽ രാഖിൽ കടുത്ത മാനസിക വിഷമം അനുഭവിച്ചിരുന്നുവെന്ന് സുഹൃത്ത് പറഞ്ഞു. കൊലപാതകത്തിനു മുമ്പുള്ള ദിവസങ്ങളിൽ നാല് തവണ രാഖിൽ മാനസയോട് സംസാരിച്ചെന്നും സുഹൃത്ത് പറഞ്ഞു. രാഖിലിന് കൗൺസിലിങ് നൽകാൻ താൻ കുടുംബത്തോട് ആവശ്യപ്പെട്ടിരുന്നുവെന്നും സുഹൃത്ത് പറയുന്നു.
Also Read:
മാസങ്ങൾക്കു മുന്നേയാണ് ഇരുവരും തമ്മിൽ പ്രശ്നം ഉണ്ടായത്. കാര്യമായ ജോലിയോ വരുമാനമോ രാഖിലിന് ഇല്ലെന്ന് മാനസ തിരിച്ചറിഞ്ഞു. സമൂഹമാധ്യമങ്ങളിലെ സ്റ്റൈലിഷ് ചിത്രങ്ങൾ പോലെയല്ല കാര്യങ്ങളെന്ന് അവൾ മനസിലാക്കി. ഇതിനു പിന്നാലെയാണ് ബന്ധത്തിൽ അകൽച്ച ആരംഭിച്ചത്. ഇതോടെ ബന്ധത്തിൽ നിന്നും പിരിയാമെന്ന് മാനസ പറഞ്ഞെങ്കിലും രാഖിൽ തയ്യാറായിരുന്നില്ല.
